सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

भकिम्लीका किसान व्यावसायिक गाईपालनमा

२०८३ कार्तिक १३, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

म्याग्दी, १३ कात्तिकः म्याग्दीको बेनी नगरपालिका–३ भकिम्लीका किसान व्यावसायिक गाईपालनमा आकर्षित भएका छन् ।

परम्परागत पशुपालनको विकल्पमा उन्नत जातको गाईपालन गरेर आयआर्जन वृद्धि र स्वरोजगार बन्न थालेका हुन् । भकिम्ली ग्रामीण कृषि सहकारी संस्थामार्फत उन्नत जर्सी र होलस्टेन जातको गाई भित्र्याएर दूध उत्पादन गर्न थालिएको हो ।

संस्थाका अध्यक्ष लालबहादुर पुनले गत वर्ष गाईपालन थालेका आठ जना किसानको सफलताले यसपालि १० जना किसान थपिने क्रममा रहेका जानकारी दिनुभयो । “उपयुक्त हावापानी र आम्दानीको सम्भावना देखिएपछि गाईपालन विस्तार हुन थालेको छ”, उहाँले भन्नुभयो, “गाईपालन गर्ने किसानका लागि सहकारीले सहुलियत ब्याजदरमा ऋण लगानीको सुविधा दिएका छौँ ।”

होलस्टेन र जर्सी जातको गाईपालन सुरु गरेका हुन् । यसअघि भकिम्लीमा दूध बिक्री गर्ने उद्देश्यले गाईपालन भएको थिएन । घरायसी उपभोगका लागि स्थानीय जातका गाई पाल्ने गरेका थिए । घरायसी उपभोग र स्थानीय उपभोक्तालाई बेचेर बचेको दैनिक ४० लिटर दूध बेनी नगरपालिका–४ सिङ्गामा रहेको बास्कुना कृषि सहकारी संस्थामार्फत पोखराको सिजल डेरी उद्योगमा पठाउने गरिएको छ ।

दुईवटा उन्नत जातका गाई पालेका किसान चित्रबहादुर पुनले दैनिक २० लिटरसम्म दूध उत्पादन गर्न सकिने बताउनुभयो । “अहिले एउटाले मात्र दूध दिन्छ, अर्को ब्याउने छ”, उहाँले भन्नुभयो, “एउटा गाईको दूध बेचेर खर्च कटाउँदा गत महिना रु २७ हजार बचत भयो ।”

विदेश र छ वर्ष स्वदेशकै कृषि कम्पनीमा काम गरेको अनुभवका आधारमा गाईपालन सुरु गरेको पुनले बताउनुभयो । बेनीदेखि भकिम्ली जोड्ने सडक जीर्ण हुदाँ दूध ढुवानी र कृत्रिम गर्भाधान सेवाका लागि समस्या भएको किसानले बताएका छन् ।

बेनी नगरपालिका–३ का वडाध्यक्ष पदम पुनले बेनीदेखि दूधेखोला खण्डका सडक प्रदेश सरकारमार्फत स्तरोन्नति भएको र हल्लेगौडादेखि माथिको सडक यस वर्षदेखि सङ्घीय सरकारमार्फत स्तरोन्नतिको चरणमा रहेको बताउनुभयो ।

सडक स्तरोन्नति भएपछि कृषि उपज निकासी, आवतजावत र दूवानीमा सहज हुने बताउँदै दसैँलगत्तै वडा कार्यालयमा पशु प्राविधिक आएपछि कृत्रिम गर्भाधान सेवा सञ्चालन गरिने वडाध्यक्ष पुनले जानकारी दिनुभयो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

माछा मार्ने क्रममा करेन्ट लागेर राईको मृत्यु

खलामा धान भर्दै स्थानीय सरकार

प्राङ्गारिक खेती गर्न ७५ प्रतिशत अनुदान दिँदै टेम्केमैयुङ

गोसाइँकुण्ड बाह्रै महिना पदयात्राका लागि आकर्षक गन्तव्य बन्दै

खहरेमा पुल निर्माण सुरु

कम उमेर र जबर्जस्ती विवाह अन्त्यका लागि ध्यानाकर्षण

बाली भित्र्याए पनि भकारी जोगाउनै मुस्किल

दुई महिनादेखि खत्याड–रारा सडक अझै अवरुद्ध

काठमाडौंका यी क्षेत्रमा आज र भोलि ५ घण्टा विद्युत् अवरुद्ध हुने

सवारी दुर्घटनामा एकको मृत्यु, चार घाइते

नागढुंगा-मुग्लिन सडक आजदेखि पाँच घण्टा बन्द

नागढुङ्गा-मुग्लिन सडक दैनिक पाँच घण्टा बन्द हुने