सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

कालिकोटको दुर्गम गाउँ नाग्नामा लायन्स क्लबको संयुक्त सामुदायिक सेवा, १२६ जना लाभान्वित

२०८३ कार्तिक १४, शनिबार
शेयर गर्नुहोस:
फन्ट परिवर्तन गर्नुहोस: अ अ अ

कालिकोट। लायन्स क्लब अफ काठमाडौं गोंगबु, लायन्स क्लब अफ काठमाडौं बेथेल र लायन्स क्लब अफ काठमाडौं टेम्पल मञ्जुश्रीले कालिकोटको अति दुर्गम गाउँ नाग्नामा संयुक्त सामुदायिक सेवा कार्यक्रम आयोजना गरेका छन्। तीनवटै क्लबले आयोजना गरेको उक्त कार्यक्रमबाट स्थानीय समुदायका १२६ जना लाभान्वित भएका छन्।

May be an image of one or more people and textकार्यक्रमको मुख्य उद्देश्य महिला तथा किशोरीहरूको स्वास्थ्य, सरसफाइ र व्यक्तिगत हेरचाहसम्बन्धी चेतना अभिवृद्धि गर्नुका साथै आवश्यक सामग्री उपलब्ध गराएर उनीहरूको स्वास्थ्य र मर्यादित जीवनयापनमा सहयोग पुर्‍याउनु रहेको थियो।

May be an image of one or more people and textकार्यक्रमअन्तर्गत महिला तथा किशोरीहरूलाई महिला स्वास्थ्य, व्यक्तिगत सरसफाइ र हेरचाहका विषयमा सचेतनामूलक कक्षा सञ्चालन गरिएको थियो। स्वास्थ्यसम्बन्धी आवश्यक जानकारीसँगै उनीहरूको दैनिक जीवनमा उपयोगी हुने भित्री वस्त्र तथा स्यानिटरी सामग्रीसमेत वितरण गरिएको थियो।

May be an image of one or more people, Saqsaywaman and textत्यसैगरी, चिसो मौसमबाट बालबालिकालाई जोगाउने उद्देश्यले ७५ थान न्यानो टोपी वितरण गरिएको थियो। स्थानीय बासिन्दाको आवश्यकता र दैनिक जीवनयापनलाई ध्यानमा राख्दै लायन्सले  ‘चिकोपी’ (Chicopee) उत्पादनलगायत अन्य अत्यावश्यक सामग्री पनि उपलब्ध गराइएको लायन्स क्लब अफ काठमाडौं गोंगबुका अध्यक्ष अन्जन श्रेष्ठले बताए ।

May be an image of one or more people, sherpa coat and textभौगोलिक विकटता र आवश्यक सेवासुविधाको सीमित पहुँचका कारण आधारभूत स्वास्थ्य सचेतना तथा आवश्यक सामग्री प्राप्त गर्न कठिनाइ हुने दुर्गम समुदायलाई लक्षित गरी कार्यक्रम सञ्चालन गरिएको हो । महिला तथा किशोरीको स्वास्थ्य र सरसफाइसँग जोडिएका विषयमा जानकारी दिनुका साथै बालबालिकालाई न्यानो कपडा उपलब्ध गराउँदा स्थानीय समुदायलाई प्रत्यक्ष राहत पुगेको आयोजकको विश्वास छ।

May be an image of one or more people and textतीनवटै लायन्स क्लबको सहकार्यमा सम्पन्न यस कार्यक्रमले सामुदायिक आवश्यकता पहिचान गरी सहयोग पुर्‍याउने र मानवीय सेवाको पहुँच दुर्गम बस्तीहरूसम्म विस्तार गर्ने प्रयासलाई थप बल पुर्‍याएको छ।

May be an image of child, crowd and textकार्यक्रममार्फत लायन्स क्लब अफ काठमाडौं गोंगबु, लायन्स क्लब अफ काठमाडौं बेथेल र लायन्स क्लब अफ काठमाडौं टेम्पल मञ्जुश्रीले सेवा नै धर्म हो भन्ने मान्यतालाई व्यवहारमा उतार्दै सेवाबाट वञ्चित समुदायसम्म पुग्ने प्रतिबद्धता दोहोर्‍याएका छन्। खाँचोमा परेका व्यक्तिहरूको जीवनमा आशा, आत्मसम्मान र सकारात्मक परिवर्तन ल्याउने उद्देश्यसहित यस्ता सामाजिक तथा मानवीय सेवाका गतिविधिलाई निरन्तरता दिने उनीहरूको लक्ष्य रहेको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

माछा मार्ने क्रममा करेन्ट लागेर राईको मृत्यु

खलामा धान भर्दै स्थानीय सरकार

प्राङ्गारिक खेती गर्न ७५ प्रतिशत अनुदान दिँदै टेम्केमैयुङ

गोसाइँकुण्ड बाह्रै महिना पदयात्राका लागि आकर्षक गन्तव्य बन्दै

खहरेमा पुल निर्माण सुरु

कम उमेर र जबर्जस्ती विवाह अन्त्यका लागि ध्यानाकर्षण

बाली भित्र्याए पनि भकारी जोगाउनै मुस्किल

दुई महिनादेखि खत्याड–रारा सडक अझै अवरुद्ध

काठमाडौंका यी क्षेत्रमा आज र भोलि ५ घण्टा विद्युत् अवरुद्ध हुने

सवारी दुर्घटनामा एकको मृत्यु, चार घाइते

नागढुंगा-मुग्लिन सडक आजदेखि पाँच घण्टा बन्द

नागढुङ्गा-मुग्लिन सडक दैनिक पाँच घण्टा बन्द हुने