सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

पदमपोखरीमा व्यावसायिक मेवाखेतीबाट किसानको आम्दानी बढ्दै

२०८३ कार्तिक १४, शनिबार
शेयर गर्नुहोस:
फन्ट परिवर्तन गर्नुहोस: अ अ अ

बागमती, १४ कात्तिकः हेटौँडा उपमहानगरपालिका–१३ पदमपोखरीका किसान व्यावसायिक मेवाखेतीमा आकर्षित भएका छन् । मेवाखेतीबाट राम्रो आम्दानी हुन थालेपछि यहाँका १०० भन्दा बढी किसान यस व्यवसायमा आबद्ध भएका छन् ।

आधामार कृषक समूहका अध्यक्ष फेन्चु लामाका अनुसार पदमपोखरीमा सात वर्षदेखि व्यावसायिक मेवाखेती विस्तार भइरहेको छ । हाल यहाँ करिब ३० हजार मेवाका बोटबाट उत्पादन भइरहेको छ । सुन्तलीमाया वाइबाले मात्रै ३० कठ्ठा क्षेत्रफलमा मेवाखेती गर्नुभएको छ ।

अघिल्लो वर्ष पदमपोखरीबाट पाँच लाख किलोग्राम मेवा बिक्री भएको थियो । किसानका अनुसार उत्पादित मेवा बिक्री गर्न समस्या छैन । व्यापारी बारीमै आएर मेवा खरिद गर्ने क्रम बढेको छ ।

यहाँ उत्पादित मेवा विशेषगरी वीरगञ्ज, काठमाडौँ र पोखरालगायत सहरमा बिक्रीका लागि पुग्ने गरेको छ । पदमपोखरीको ठूलोथलीलगायत क्षेत्रमा मेवाखेती विस्तार भएको छ ।

ठूलोथलीकी किसान रञ्जुमाया घलानले आफ्नो फार्ममा ५५० बोट मेवा लगाउनुभएको छ । उहाँले अघिल्लो वर्ष रु तीन लाखको मेवा बिक्री गर्नुभएको थियो । मेवाखेतीबाट राम्रो आम्दानीको सम्भावना देखेपछि आफू यसतर्फ आकर्षित भएको उहाँले बताउनुभयो ।

तर, मेवाका पात कुहिने र फल झर्ने समस्या देखिन थालेको घलानले बताउनुभयो । समस्या समाधानका लागि प्राविधिकको सल्लाह लिने गरिएको उहाँको भनाइ छ ।

मेवाखेतीसहित व्यावसायिक फलफूल तथा तरकारीखेती विस्तारमा हेटौँडा उपमहानगरपालिकाले पनि प्रोत्साहन र बजारीकरणमा सहयोग गर्दै आएको नगर प्रमुख मीना लामाले बताउनुभयो । स्थानीय उत्पादनलाई किसानबाट सीधै उपभोक्तासम्म पुर्‍याउने उद्देश्यले दसैँअघि ‘आलीदेखि थालीसम्म’ नारासहित कृषि मेला आयोजना गरिएको थियो । मेलामा उपमहानगरभित्र उत्पादित कृषि उपजको प्रदर्शनी तथा बिक्री गरिएको थियो ।

उपमहानगरपालिकाको आर्थिक वर्ष २०८३/८४ को नीति तथा कार्यक्रममा युवालाई स्वरोजगार बनाउने र कृषिमा आत्मनिर्भरता बढाउने योजनालाई प्राथमिकता दिइएको छ । परम्परागत खेतीसँगै आधुनिक फलफूलखेती प्रवर्द्धन गर्ने तथा कृषक समूह र सहकारीमार्फत व्यावसायिक कृषि कार्यक्रम सञ्चालन गर्ने नीति लिइएको छ ।

व्यावसायिक खेती विस्तारले स्थानीय रोजगारी र अन्य व्यवसायमा समेत प्रभाव पारेको छ । पछिल्लो समय पदमपोखरी क्षेत्रमा करिब २०० अटो सञ्चालनमा रहेको स्थानीय अटोचालक दीपक लामाले बताउनुभयो । कृषि उपजको ओसारपसार र स्थानीयको आवतजावत बढ्दा अटो व्यवसायलाई पनि फाइदा पुगेको उहाँको भनाइ छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

माछा मार्ने क्रममा करेन्ट लागेर राईको मृत्यु

खलामा धान भर्दै स्थानीय सरकार

प्राङ्गारिक खेती गर्न ७५ प्रतिशत अनुदान दिँदै टेम्केमैयुङ

गोसाइँकुण्ड बाह्रै महिना पदयात्राका लागि आकर्षक गन्तव्य बन्दै

खहरेमा पुल निर्माण सुरु

कम उमेर र जबर्जस्ती विवाह अन्त्यका लागि ध्यानाकर्षण

बाली भित्र्याए पनि भकारी जोगाउनै मुस्किल

दुई महिनादेखि खत्याड–रारा सडक अझै अवरुद्ध

काठमाडौंका यी क्षेत्रमा आज र भोलि ५ घण्टा विद्युत् अवरुद्ध हुने

सवारी दुर्घटनामा एकको मृत्यु, चार घाइते

नागढुंगा-मुग्लिन सडक आजदेखि पाँच घण्टा बन्द

नागढुङ्गा-मुग्लिन सडक दैनिक पाँच घण्टा बन्द हुने