सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

आर्मेनियाले इयूको सदस्यताका लागि आवेदन दिनेः प्रधानमन्त्री पाशिन्यान

२०८३ कार्तिक १९, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

येरेभान, १९ कात्तिक (रासस/एएफपी): आर्मेनियाले सन् २०२८ सम्ममा युरोपेली सङ्घ (ईयू) को सदस्यताका लागि औपचारिक रूपमा आवेदन दिने योजना बनाएको छ ।

प्रधानमन्त्री निकोल पाशिन्यानले बिहीबार इयूसँग नजिकिने र रूससँग दूरी बढाउने सङ्केत दिँदै सदस्याताको चर्चा गर्नुभएको छ ।

पछिल्लो समय आर्मेनिया र मस्कोबीचको सम्बन्ध चर्को रूपमा चिसिएको छ।

येरेभानले रूसलाई आफ्नो शत्रु छिमेकी अजरबैजानविरुद्ध सुरक्षा दिन असफल भएको आरोप लगाएको छ । सन् २०२० र सन् २०२३ मा बाकुले आफ्नो अलग्गिएको काराबाख क्षेत्र पुनः कब्जा गरेको थियो । यो क्षेत्र लामो समयदेखि आर्मेनियाली अलगाववादीहरूको नियन्त्रणमा थियो ।

यसपछि उक्त क्षेत्रका एक लाखभन्दा बढी जातीय आर्मेनियालीहरू आर्मेनियातर्फ भागेका थिए । त्यसयता येरेभानले पश्चिमी मुलुकहरूतर्फ झुकाव राख्दै परम्परागत मित्र मस्कोको प्रभावबाट आफूलाई अलग्याउँदै आएको छ ।

“हामीले वैकल्पिक बाटो बनाउने प्रक्रिया सुरु गरेका छौँ, जसले हाम्रा जनतालाई छनोटको अवसर दिनेछ,” पाशिन्यानले एक पत्रकार सम्मेलनमा भन्नुभयो ।

“मलाई स्पष्ट छ, यो प्रक्रिया अन्ततः सन् २०२७ वा सन् २०२८ मा हामीलाई युरोपेली सङ्घको पूर्ण सदस्य बन्ने प्रक्रिया सुरु गर्न औपचारिक आवेदन दिन बाध्य पार्नेछ।”

उहाँले येरेभानले रूसको नेतृत्वमा रहेको युरेसियन आर्थिक सङ्घ (ईएईयू) बाट तत्काल बाहिरिने कुनै योजना नभएको बताउनुभएको छ।
यो व्यापारिक सङ्गठनमा पूर्व सोभियत गणराज्यका केही देशहरू सामेल छन्।

“हामी ईएईयू छोड्ने योजनामा छैनौँ,” उहाँले भन्नुभयो । उहाँले सङ्गठनका सदस्यहरूले आर्मेनियाको भविष्यको गठबन्धनबारे जनमत सङ्ग्रह गर्ने कुरा उठाएको पनि उल्लेख गर्नुभयो ।

मस्कोले दुवै सङ्गठनको सदस्यता एउटै मुलुकका लागि सम्भव नभएको बारम्बार बताउँदै आउनुभएको छ ।

पाशिन्यानले आर्मेनियाले मस्कोको नेतृत्वमा रहेको सामूहिक सुरक्षा सन्धि सङ्गठन (सीएसटीओ) प्रति ‘रुचि गुमाएको’ पनि बताउनुभएको छ।

यस सैन्य गठबन्धनमा आर्मेनियाले आफ्नो सहभागिता स्थगन गरेको छ । उहाँले भन्नुभयो, “सीएसटीओप्रति हाम्रो रुचि समाप्त भएको छ। हामीलाई सीएसटीओमा थप रुचि छैन।” आर्मेनियाले सन् २०२५ अप्रिलमा युरोपेली सङ्घको सदस्यता खोज्ने प्रक्रिया सुरु गर्ने कानुन पारित गरेको थियो । तर त्यो कानुन आफैंमा औपचारिक आवेदन भने थिएन।

पाशिन्यानको विदेश नीतिमा आएको यो ठूलो परिवर्तन र पश्चिमप्रतिको झुकावले क्रेमलिनलाई रिझाएको छैन । यस वर्षको सुरुमै मस्कोले आर्मेनियाली कृषि निर्यातमा व्यापारिक प्रतिबन्ध लगाएको थियो र सहुलियतपूर्ण ऊर्जा आपूर्ति कटौती गर्ने धम्की दिएको थियो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

विदेशमा रहेका नेपालीको मताधिकारः कानुन संशोधनका लागि तीन विकल्प

शान्ति प्रक्रियाका बाँकी काम अविलम्ब पूरा गर्न दाहालको आग्रह

मधेशमा सरकार गठन अन्योलमा, कांग्रेस–एमाले–नेकपाले मागे समय

नेपाल टेलिकमलाई सञ्चारमन्त्रीको प्रश्न: ‘टावर छ, नेटवर्क छैन, किन ?’

‘स्थानीय स्रोतको उपयोगबाट समृद्धि र रोजगारी सिर्जना गर्न सकिन्छ’

संविधानको मर्म बमोजिम स्थानीय तह र प्रदेशसभाको निर्वाचन हुन्छ: आयोग

‘प्रधानमन्त्री शाहको भारत भ्रमण आपसी सम्बन्ध विस्तार र आर्थिक गतिविधिमा केन्द्रित हुने’

स्थानीय र प्रदेशसभा निर्वाचन एकैपटक गर्न दलहरूसँग परामर्श

यस्ता छन् आजको मन्त्रिपरिषद्का निर्णय

निर्वाचन तयारीबारे प्रमुख दलका शीर्ष नेतासँग परामर्श

प्रधानमन्त्री शाह भारतको राजकीय भ्रमणमा आइतबार नयाँदिल्ली जादै

प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव