सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

सोलुखुम्बुमा दुई साहित्यकार सम्मानित, आशुकविता प्रतियोगितामा सञ्जीव भण्डारी प्रथम

२०८३ कार्तिक २९, आइतबार
शेयर गर्नुहोस:
फन्ट परिवर्तन गर्नुहोस: अ अ अ

सोलुखुम्बु । सोलुखुम्बुको नेचासल्यान गाउँपालिकामा कवि मुक्तिनाथ साहित्य सम्मानबाट  दुई जना साहित्यकारलाई सम्मान गरिएको छ ।

नेपाली साहित्य क्षेत्रमा योगदान पु¥याएको भन्दै सोलुखुम्बु इनिसिएटिभ नेचासल्यान–४ को आयोजनामा भएको कार्यक्रममा नेचासल्यान गाउँपालिका–४ का साहित्यकार हरि कटेल र वडा नम्बर २ का डा. मुलिवीर राईलाई सम्मान गरिएको हो ।

उहाँहरूलाई दोसल्ला, सम्मानपत्र र जनही आठ हजार ८४८ रुपियाँ नगदसहित सम्मान गरिएको छ । सोलुखुम्बुको नेचामा जन्मिएर हाल  विराटनगरमा बसोबास गर्ने साहित्यकार कटेल शिक्षण पेशामा आवद्ध रही विगत लामो समयदेखि कविता र समालोचनाको क्षेत्रमा लोकप्रिय हुनुहुन्छ भने बेलायतमा बस्ने पुर्व ब्रिटिस सेनामा कार्यरत राईले करिब आधा दर्जन उपन्यास पाठक समक्ष ल्याइसक्नुभएको छ ।

त्यस अवसरलेमा आयोजित आशुकविता सिर्जना प्रतियोगितामा आशु कविता सिर्जना प्रतियोगिता–२०८३ सम्पन्न भएको छ । जसमा सञ्जीव भण्डारी प्रथम, दिप्सन बास्तोला द्वितीय र कुलबहादुर नेपाली तृतीय हुनु भएको छ । प्रतियोगितामा निशा नेपालीले सान्त्वना स्थान हासिल गर्नुभएको छ ।

कार्यक्रममा सहभागी वक्ताहरूले साहित्यको विकास, सर्जकको सम्मान र विद्यार्थीको शैक्षिक प्रोत्साहनका लागि यस्ता कार्यक्रमले महत्वपूर्ण भूमिका खेल्ने धारणा राख्नुभएको थियो । साहित्यको संरक्षण र प्रवद्र्धन, स्रष्टाको सम्मान तथा विद्यार्थीको शैक्षिक विकासलाई केन्द्रमा राखेर आयोजना गरिएको यस कार्यक्रमले स्थानीय तहमा साहित्यिक गतिविधि विस्तार गर्नुका साथै नयाँ पुस्तामा सिर्जनात्मक चेतना र अध्ययनप्रतिको रुचि अभिवृद्धि गर्ने अपेक्षा गरिएको छ ।

सोही अवसरमा नेपाल आईडी शैक्षिक छात्रवृत्ति–२०८३ अन्तर्गत जिल्लाभरीका पाँच जना विद्यार्थीलाई जनही आठ हजार ८४८ रुपियाँ नगद र सम्मानपत्र प्रदान गरिएको छ । छात्रवृत्ति प्राप्त गर्नेमा केदार माध्यमिक विद्यालय नेचासल्यानका निशा नेपाली र गीता भण्डारी, छेस्काम माध्यमिक विद्यालय महाकुलुङकी अस्मिता कुलुङ, वीरेन्द्रज्योति माध्यमिक विद्यालय सोताङकी अनिसा कुलुङ तथा गार्मा माध्यमिक विद्यालयका एक विद्यार्थी रहेका छन् ।

साहित्यिक सिर्जनाको संरक्षण, प्रतिभाको पहिचान तथा विद्यार्थीलाई शिक्षाप्रति प्रोत्साहित गर्ने उद्देश्यले कार्यक्रम आयोजना गरिएको आयोजकले जनाएको छ । रोहितप्रसाद बास्तोलाको अध्यक्षता तथा कोशी प्रदेशसभा सदस्य बुद्धिकुमार राजभण्डारीको प्रमुख आतिथ्यतामा कार्यक्रम सम्पन्न भएको हो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

गोपका पूर्वप्रधानसम्पादक रिजाललाई मदनदास श्रेष्ठ उत्कृष्ट पत्रकारिता सम्मान

अन्तर्राष्ट्रिय साहित्य सम्मेलनमा सहभागी हुन कुलपति नेपाल बंगलादेश प्रस्थान

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श

साहित्यिक गतिविधि ‘डिजिटल’ बनाउन जोड

कविता बाचन गर्दै मनाइयो महाकविको जन्मजयन्ती

पूर्वकुलपति कर्माचार्यलाई सयपत्री राष्ट्रिय सम्मान प्रदान

साहित्यकार मोतीशोभाका पाँच कृति एकैसाथ विमोचित

टीका–गोपाल राष्ट्रिय गीत सङ्गीत पुरस्कार साहित्यकार दाहाललाई

चिनियाँ सांस्कतिक टोली सम्मानित

विमल गुरुङ कृति पुरस्कार भुपिन र जुनुको कृतिलाई

सीमान्त समुदायको भाषा, साहित्य र पहिचान प्रवर्द्धन गर्न जुम्लामा साहित्य सम्मेलन

भक्तपुरमा ४६औँ नेपालभाषा साहित्य सम्मेलनको रौनक