सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

‘शिक्षा सुधारमा स्थानीय तह र समुदायको भूमिका महत्त्वपूर्ण हुन्छ’

२०८३ मंग्सिर ४, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

जनकपुरधाम, ४ मङ्सिरः पूर्वराष्ट्रपति डा. रामवरण यादवले विद्यालय शिक्षाको गुणस्तर सुधारका लागि स्थानीय तह, विद्यालय र समुदायबीच प्रभावकारी सहकार्य आवश्यक रहेको बताउनुभएको छ ।

प्रिन्सिपल एसोसिएसन नेपाल (प्यान) को केन्द्रीय अधिवेशनको आज जनकपुरधाममा उद्घाटन गर्दै उहाँले स्थानीय सरकार, विद्यालयका प्रधानाध्यापक र समुदायबीच समन्वय हुन सके मात्रै मधेसको शैक्षिक अवस्था सुधार गर्न सकिने बताउनुभयो ।

विगतमा शिक्षा समुदायको स्वामित्व र प्रत्यक्ष निगरानीमा रहेकाले विद्यालयप्रति स्थानीय समुदायको अपनत्व र जिम्मेवारी बढी हुने गरेको उल्लेख गर्दै उहाँले शिक्षा सरकारी नियन्त्रणमा गएपछि गुणस्तर खस्किएको धारणा राख्नुभयो ।

शिक्षा सुधारको प्रमुख आधार समुदायको सक्रिय सहभागिता भएको बताउँदै उहाँले स्थानीय तहले शिक्षाको जिम्मेवारी लिनुपर्ने र प्रधानाध्यापकले आफ्नो दायित्व प्रभावकारी रूपमा निर्वाह गर्नुपर्नेमा जोड दिनुभयो । समुदायको सहभागिता अभिवृद्धिका लागि तीनै तहका सरकारले आवश्यक सहयोग र सहजीकरण गर्नुपर्ने उहाँको भनाइ थियो ।

विद्यालयको शैक्षिक वातावरण सुधार, विद्यार्थीको सिकाइ उपलब्धि वृद्धि र शिक्षण प्रणाली प्रभावकारी बनाउन स्थानीय, प्रदेश र सङ्घीय सरकारबीच समन्वय आवश्यक रहेको उहाँले बताउनुभयो ।

विद्यालय शिक्षाको गुणस्तर सुधार, शैक्षिक नेतृत्व विकास र नीतिगत सुधारका विषयमा बहस गर्ने उद्देश्यले अधिवेशन आयोजना गरिएको प्यान मधेस प्रदेशका संयोजक सञ्जयकुमार झाले जानकारी दिनुभयो ।

अधिवेशन मङ्सिर ६ गतेसम्म सञ्चालन हुने जनाइएको छ । सम्मेलनमा देशभरका सामुदायिक विद्यालयका प्रधानाध्यापक, शिक्षा क्षेत्रका विज्ञ, नीतिनिर्माता, जनप्रतिनिधि तथा शैक्षिक संस्थाका प्रतिनिधिको सहभागिता रहेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

सडक पूर्वाधार निर्माणमा सेनाको महत्वपूर्ण योगदान छः राष्ट्रपति

महादेवटार सुरुङ ‘ब्रेक थ्रु’

राष्ट्रपति पौडेलसमक्ष तीन नवनियुक्त राजदूतले लिए पद तथा गोपनीयताको शपथ

कार्तिक शुक्ल षष्ठीः राष्ट्रपति पौडेलद्वारा गुह्येश्वरीमा छठीमाताको पूजा आराधनासहित अर्घदान

सुशासन र समृद्धि प्राप्तिमा छठी माता र सूर्य भगवान्को कृपा बनिरहनेछः राष्ट्रपति पौडेल

राष्ट्रपति पौडेलद्वारा सर्वोच्चका लागि चार न्यायाधीश नियुक्त

महागुरु फाल्गुनन्दको मार्गनिर्देशबाट नैतिक, सभ्य र एकताबद्ध समाज निर्माणमा बल पुगेको छः राष्ट्रपति पौडेल

नेपाल संवत्ले सामाजिक समानताको दिशामा अघि बढ्न प्रेरणा प्रदान गर्ने राष्ट्रपतिको विश्वास

तिहारले आपसी सद्‌भाव र समृद्धिको भावना अभिवृद्धि गर्छ : राष्ट्रपति पौडेल

राष्ट्रपति पौडेलद्वारा गाई पूजा

‘चाडपर्वले अन्य जीवप्रतिको प्रेम र कृतज्ञता बढाओस्’ : प्रधानमन्त्री शाह

तीन राजदूतद्वारा राष्ट्रपतिसमक्ष ओहोदाको प्रमाणपत्र पेश