सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

मेसी बने मेजर लिग सकरका सर्वाधिक तलब पाउने खेलाडी (सुचीसहित)

२०८३ मंग्सिर ५, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, ५ मंसिर । खेलाडी संघ (एमएलएस प्लेयर्स एसोसिएसन) ले बिहीबार सार्वजनिक गरेको तलब विवरण अनुसार अर्जेन्टिनी स्टार लियोनेल मेसी ‘मेजर लिग सकर’ (एमएलएस) मा सर्वाधिक पारिश्रमिक पाउने खेलाडी बनेका छन् । उनको सुनिश्चित (ग्यारेन्टी) वार्षिक पारिश्रमिक २ करोड ८३ लाख अमेरिकी डलर रहेको छ ।

मेसीको यो पारिश्रमिक गत वर्षको तुलनामा करिब ८० लाख डलरले बढी हो । यद्यपि, यस रकममा क्लबबाट खेल खेलेबापत प्राप्त हुने पारिश्रमिक मात्र समावेश छ; प्रायोजन तथा अन्य व्यावसायिक स्रोतबाट हुने आम्दानी यसमा जोडिएको छैन ।

यस वर्षको सुरुमा शिकागो फायरमा आबद्ध भएका पोल्यान्डका रोबर्ट लेवान्डोस्की १ करोड ९५ लाख १० हजार डलर (१९.५१ मिलियन) सहित सूचीको दोस्रो स्थानमा छन् ।

त्यसैगरी, ओर्लान्डो सिटीका फ्रान्सेली खेलाडी एन्टोइन ग्रिजम्यान १ करोड ३९ लाख ४० हजार डलरसहित तेस्रो, लस एन्जलस एफसी (एलएएफसी) का दक्षिण कोरियाली स्टार सन ह्युङ-मिन १ करोड ११ लाख ५० हजार डलरसहित चौथो तथा एटलान्टा युनाइटेडका स्विस खेलाडी ब्रिल एम्बोलो १ करोड ८ लाख १० हजार डलरसहित पाँचौँ स्थानमा रहेका छन् ।

क्लबगत रूपमा कुल सुनिश्चित पारिश्रमिक खर्च गर्ने टोलीमध्ये इन्टर मियामी ५ करोड ९३ लाख ७० हजार डलरसहित शीर्ष स्थानमा छ ।

यस्तै, शिकागो फायर (४ करोड १२ लाख ९० हजार डलर) दोस्रो, एटलान्टा युनाइटेड (३ करोड ८३ लाख ५० हजार डलर) तेस्रो, लस एन्जलस ग्यालेक्सी (३ करोड ४९ लाख १० हजार डलर) चौथो र एलएएफसी (३ करोड २९ लाख १० हजार डलर) पाँचौँ स्थानमा रहेका छन् ।

लिगमा सबैभन्दा कम पारिश्रमिक खर्च गर्ने टोलीहरूमा फिलाडेल्फिया युनियन (१ करोड २६ लाख ४० हजार डलर) पुछारमा छ । त्यसपछि कम खर्च गर्नेमा स्पोर्टिङ कान्सास सिटी (१ करोड ३३ लाख डलर) र डीसी युनाइटेड (१ करोड ४५ लाख ५० हजार डलर) रहेका छन् ।

यो तथ्याङ्क गत अक्टोबर ९ सम्मको हो, जसमा समर ट्रान्सफर (गृष्मकालीन स्थानान्तरण) अवधिमा क्लब भित्रिएका खेलाडीहरूको पारिश्रमिकलाई पनि वार्षिक रूपमा गणना गरी समावेश गरिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दीपेश महतले जिते विश्व पारा तेक्वान्दो च्याम्पियनसिपमा रजत पदक

‘एन्फा निलम्बन फुकुवाको प्रक्रिया अघि बढ्यो’

एक्स्ट्रिम दोस्रो झापा महिला गोल्डकप प्रतियोगिता मङ्सिर ५ गतेदेखि

एनपीएलको फाइनलमा लुम्बिनी लायन्स र सुदूरपश्चिम रोयल्स भिड्दै

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि