काठमाण्डौं: मोबाईल उत्पादक कम्पनी ओप्पोले काठमाडौंमा आफ्नो दोस्रो कस्टमर केयर सर्भिस सेन्टरको उद्घाटन गरेको छ ।
आफ्नो सेवालाई थप उत्कृष्टता प्रदान गर्न तथा उपभोक्तालाई उत्कृष्ट सेवा प्रदान गर्नका लागि नयाँ कस्टमर सर्भिस सेन्टरको उद्घाटन गरेको कम्पनीले जनाएको छ ।
काठमाडौंको सीटीसी मलमा ओपो फोन उत्पादक कम्पनिले आफ्नो दोस्रो सेवा केन्द्र सञ्चालनमा ल्याइएको हो ।
सेवा केन्द्रले नेपाली बजारमा बिक्री गरिएका ओपो फोनका लागि बिक्री पछिको सेवा उपलब्ध गराउने छ ।

सीटीसी मलको पाँचौँ तल्लामा यूनिट्स ६०६ र ६०६ (ए) मा अवस्थित नयाँ सेवा केन्द्रले हप्ताको ६ दिन आईतबारदेखि शुक्रबार विहानको १० बजेदेखि बेलुकी ६ बजे सम्म उपभोक्तालाई मर्मत लगायत बिक्री पछिको सेवा उपलब्ध गराउने भएको छ ।
उपभोक्ताको सहजताका लागि कम्पनीले टोलफ्री नम्बर १६६००१८८८८६ समेत सञ्चालनमा ल्याएको छ ।
ओप्पो मोबाइलसम्बन्धी आफ्ना समस्याका समाधान तथा जिज्ञासाको समाधानका लागि उक्त टोलफ्री नम्बरमा सम्पर्क गर्न सकिने कम्पनिले जनाएको छ ।
ओपो नेपालका प्रमुख कार्यकारी अधिकृत बबी ट्राओ र टेलीसेल प्रालिका प्रमुख कार्यकारी अधिकृत सुनिल कुमार अग्रवालले संयुक्त रुपमा सेवा केन्द्रको उद्घाटन गरेका थिए ।
