काठमाण्डौ: उपकुलपति पदमा नाम सिफारिस गर्न धरानस्थित वीपी कोइराला स्वास्थ्य विज्ञान प्रतिष्ठानले सर्च कमिटि गठन गरेको छ ।
शुक्रबार सम्पन्न प्रतिष्ठानको ४३ औँ सिनेट बैठकले सह-कुलपति एवं स्वास्थ्य तथा जनसंख्या मन्त्री भानुभक्त ढकालको संयोजकत्वमा तीन सदस्यीय सर्च कमिटि गठन गरेको हो ।
त्यस्तै कमिटिका अन्य सदस्यमा राष्ट्रिय योजना आयोगका सदस्य उषा झा र अर्थ सचिव राजन खनाल रहेका छन् । उक्त समितिले कुलपति समक्ष नाम सिफारिस गर्ने भएको छ ।
गत २६ फागुनमा भ्रष्टाचारको अभियोग लागेका डा. राजकुमार रौनियार पदमुक्त भएपछि प्रतिष्ठानमा सो पद रहेको रिक्त छ ।
गत बर्षको १६ र १७ फागुनमा बसेको ४२ औँ सिनेट बैठकले रौनियारलाई पदमुक्त गर्न कुलपति समक्ष सिफारिस गरेको थियो ।
