काठमाण्डौ: मंगलबारदेखि विन्डोज-७ अपरेटिङ सिस्टम बन्द भएको छ।
जसअन्तरगत माइक्रोसफ्टले आफ्ना प्रयोगकर्तालाई जतिसक्दो चाँडो सिस्टम अपग्रेड गर्न आह्वान पनि गरेको छ। नयाँ प्रविधिमा ‘फोकस’ हुने भन्दै कम्पनीले विन्डोज-७ बन्द गरेको हो। करिब दुई वर्षअघि नै कम्पनीले यसबारे जानकारी भने दिएको थियो।
विन्डोज-७ बन्द भएसँगै प्रयोगकर्ताले कुनै पनि महत्वपूर्ण सेक्युरिटी अपडेट र उपकरण सुरक्षित राख्ने अन्य सुविधाहरू पाउने छैनन्। बिश्वमा अहिले पनि विन्डोज प्रयोगकर्ताका एक चौथाइले विन्डोज-७ नै प्रयोग गरिरहेको स्टाटकाउन्टरको तथ्यांक छ।
अब विन्डोज-७ मा कुनै समस्या आए माइक्रोसफ्टले समाधान गर्ने छैन अपडेट र सुरक्षा सुविधा नभएपछि विन्डोज-७ मा चल्ने उपकरणहरूमा भाइरसको समस्या झन् धेरै हुन्छ’ माइक्रोसफ्टको वेबसाइटमा लेखिएको छ।क्यास्पर्स्की ल्याबका वरिष्ठ सुरक्षा अध्येता डेभिड इमले पनि जतिसक्दो चाँडो प्रयोगकर्ताले नयाँ विन्डोज राख्नुपर्ने सुझाएका छन्।
साथै ह्याक भएमा कम्प्युटरमा भएका सबै डेटा र विवरण पनि चोरिन सक्छ।मंगलबारबाट विन्डोज-७ बन्द भए पनि कम्प्युटर चलिनैहाल्छ। तर यसमा जोखिम धेरै हुनेछ।त्यसैले माइक्रोसफ्टले विन्डोज-१० अपग्रेड गर्न भनेको छ।
यो खबरसँगै बेलायती अधिकारीहरूले इन्टरनेट बैंकिङ कारोबार वा इमेल गर्न विन्डोज-७ नचलाउन चेतावनी पनि दिएको छ।
