काठमाण्डौं: मोवाईलको ब्राण्ड ओपोले नेपालमा एफ सरिजकै एफ १५ फोन सार्वजनिक गर्ने भएको छ ।
आपोले सन् २०१६ मा पहिलो पटक नेपालमा सार्वजनिक गरेको एफ सिरिजका फोनहरु सर्वाधिक लोकप्रिय मानिएपछि ओपोले एफ सरिजकै एफ १५ फोन छिटै सार्वजनिक गर्ने भएको हो ।
आपोको एफ १५ मोबाइल ६.४ इन्च एमोलेड डिस्प्लेको साथमा ४८ मेगापिक्सेल प्राइमरी लेन्स सहित चारवटा रियर क्यामेरा रहने कम्पनिले बताएको छ ।
ओपो एफ १५ मा मिडियाटेकको हेलियो पी ७० प्रोसेसर राखिएको छ । यसमा १६ मेगापिक्सेलको सेल्फी क्यामेरा रहेको छ । यो फोनमा ८ जीबी र्याम र १२८ जीबी स्टोरेज राखिएको छ ।
४ हजार एमएएचको ब्याट्री रहेको यसमा फिंगरप्रिन्टको पनि सुविधा रहेको छ । ओपो एफ १५ एन्ड्रोइड अपरेटिङ सिस्टम पाईमा आधारित रहेको छ ।
