काठमाण्डाैंः पछिल्लो समय नेपालमा वेबसाइट ह्याकिङका घटना बढेसँगै सूचना प्रविधि विभाग (डिओआइटी) ले नयाँ निर्देशिका जारी गरेको छ । यससँगै आइटी विभागले वेबसाइट एवं मोबाइल एपको सुरक्षाका लागि केही सजगता अपनाउन निर्देशिका जारी गरेको हो ।
सञ्चार तथा सूचना प्रविधि मन्त्रालयअन्तर्गतको सूचना प्रविधि विभाग (डिओआइटी) ले सबै निकायलाई सुरक्षाको मापदण्ड अपनाउन आग्रह गरेको छ ।
केही दिनअघि नेपाल पुस्तकालय, नेपाल नागरिक उड्डयन प्राधिकरण र अन्य केही संस्थाका वेबसाइटमा समस्या आएको थियो । यसबाहेक अन्य समयमा पनि नेपालमा साइबर आक्रमणका घटनाहरू बढ्दै गएका छन् ।
त्यसकारण सुरक्षाका लागि विभागले १३बुँदे सुरक्षा सजगता जारी गरेको हो । विभागले वेबसाइटका फाइलहरूलाई वेलावेला ब्याकप राख्न आग्रह गरेको छ । त्यस्तै अनावश्यक फाइल, डाटाबेस र एप्लिकेसनलाई हटाउनसमेत निर्देशन दिइएको छ ।
सुरक्षाका लागि वेबसाइटमा एसएसएलको प्रयोग गर्न पनि विभागले आग्रह गरेको छ । वेबसाइटको युजर नेम र पासवर्ड पनि बलियो बनाएर प्रयोग गर्न आग्रह गरेको छ ।
यस्तो छ आईटी विभागको सुरक्षा निर्देशिकाः

