शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः नेपाल कम्युनिस्ट पार्टी (नेकपा) प्रदेश २ को मंगलबार महोत्तरीको वर्दिवासमा तय भएको ६ जिल्ला (धनुषा, महोत्तरी, सिरहा, सप्तरी, सर्लाही र रौतहट) को शपथ ग्रहण कार्यक्रम अनिश्चितकाल सम्मका लागि स्थगित भएको छ ।
नेकपा २ नम्बर प्रदेश कमिटी इन्चार्ज सत्यनारायण मण्डल, अध्यक्ष प्रभु साह र सचिव सुमनराज प्याकुरेलले बलपूर्वक उक्त प्रदेशका ६ जिल्लाका विवादित जिल्ला कमिटीलाई मंगलबार महोत्तरीको बर्दिबासमा शपथ गराउने तयारी गरेका थिए ।
जिल्ला कमिटी गठन भएसँगै असन्तुष्ट पक्षधरहरुले शपथ ग्रहण कार्यक्रम बिथोल्ने गरी तयारी गरेकाले हुने विवादलाई मध्यनजर गरी अन्तिम चरणमा आएर उक्त कार्यक्रम स्थगित भएको प्रदेश कमिटीले जनाएको छ । पटक–पटक जिल्ला कमिटीको शपथ ग्रहण कार्यक्रम तय हुँदै रोकिँदै आएको छ ।
