काठमाण्डौः झापाको कनकाई न.पा. – २ स्थित सुकेडाँगी सामुदायिक बनमा स्थानिय र काठ तस्करी समुहबिच झडप हुँदा ३ जना घाइते भएका छन् ।
सुकेडाँगीको दोमुखा ईलाकाबाट बुधबार राती आएका आधा दर्जन काठ तस्करहरुको समुहले २ बटा बाँसको चालीमा करिव ४० किवि सखुवा जातको काठ कनकाई माइमा बगाएर सुरुङ्गातर्फ ल्याउने क्रममा स्थानिय र तस्करहरू बिच उक्त भिडन्त भएको हो ।
तस्करहरूले काठ लैजाने क्रममा स्थानिय सामुदायिक बनको उपभोक्ता समुहको गस्ती टोलीले देखेपछि काठ तस्करीको समुहले अन्धाधुन्ध खुकुरी प्रहार गर्दा ३ जना घाइते भएको । घाइतेहरूको बिर्तामोड स्थित बि एण्ड सी अस्पतालमा उपचार भईरहेको छ ।
घाइते हुनेहरुमा झापाको कनकाई न.पा. – २ सुकेडाँगी बस्ने बर्ष ३८ का डम्बर बहादुर राई टाउकोमा गम्भिर चोट लागेको छ भने सोही वडा बस्ने बर्ष ३१ को बिनोद राई र बर्ष ३८ को मेघराज पौडेलको हातमा गहिरो घाउ भएको प्रहरीले जनाएको छ ।
उक्त घटना भए लगत्तै ईलाका प्रहरी कार्यालय सुरुङ्गाबाट खट्टिएको प्रहरी टोलीले खुकुरी प्रहारमा संलग्न काठ तस्कर समुहका स्थानीय बर्ष ४० का धन बहादुर राईलाई पक्राउ गरेको र अन्य भाग्न सफल भएको हुँदा खोजी कार्य जारी रहेको जनाएको छ ।
कनकाई नदीको पूर्वी किनारमा रहेको उक्त सामुदायिक बन प्राकृतिक सिमसार र वन्यजन्तुको संरक्षण गरेर आन्तरिक पर्यटक आकर्षित गर्न सफल भएको छ ।
