काठमाण्डौः नेपाली काँग्रेसका जिल्ला सभापतिहरूले गृहमन्त्री राम बहादुर थापालाई सिंहदरबारमा भेटी ज्ञापनपत्र बुझाएका छन् ।
काँग्रेसका तीन जिल्लाका सभापतिहरूले बाँकेमा सभापति किरण कोइरालामाथी आक्रमणको निर्देशन दिने (नेकपा) का खजुरा गा.पा. वडा नं १ का वडाअध्यक्ष सुमन मल्ल सहित ३ जनालाई तत्काल कार्वाहीको दायरामा ल्याउन माग गर्दै गृहमन्त्री राम बहादुर थापालाई भेटी ज्ञापनपत्र बुझाएका हुन् ।
यसरी कार्वाहीको माग गर्दै शनिवार विहान गृहमन्त्रीहरूलाइ ज्ञापनपत्र बुझाउन जानेहरूमा काठमाण्डौंका सभापति कृष्ण (सबुज) बाँनिया, ललितपुरका सभापति मदन अमात्य तथा भक्तपुरका जिल्ला सभापति दुर्लभ थापा रहेका छन् ।
भदौ २६ गते काँग्रेसको दोश्रो चरणको राष्ट्रिय जनजागरण कार्यक्रममा हस्तक्षेप गरी नेकपाका कार्यकर्ताहरूले काँग्रेसका नेता, कार्यकर्तामाथी सामुहिक आक्रमण गरेका थिए । उक्त आक्रमणमा परि बाँकेका जिल्ला सभापति किरण कोईराला लगायत नेता तथा कार्यकर्ताहरू घाइते भएका थिए ।
उक्त घटनाको विरोधमा कांग्रेसले शनिवार अपरान्ह काठमाडौंमा विरोध प्रदर्शन गर्ने तयारी समेत गरेको छ । यसैबिच कांग्रेसको जागरण अभियानमा सांघातिक आक्रमण गरि सभापति किरण कोइराला सहितलाई घाइते बनाएको आरोपमा प्रहरीले रोसनसिंह ठकुरी, लोकबहादुर शाही र निर्मलसिंह खत्रीलाई नियन्त्रणमा लिएको जनाएको छ ।
