काठमाण्डौः प्रमुख प्रतिपक्ष दल कांग्रेसको युवा संगठन नेपाल तरुण दलभित्रको विवाद उत्कर्समा पुगेको छ । तरूण दलका अध्यक्ष जितजङ्ग बस्नेतले महासचिव भुपेन्द्र जंग शाहीलाई बर्खास्त गरेको विज्ञप्ति प्रकाशित गरेको केही समयभित्रै महासचिव शाहीले पनि अर्को प्रेस विज्ञप्ति जारी गरी अध्यक्ष बस्नेतलाई एक वर्षका लागि पार्टी सदस्य समेत नरहने गरि कारबाही गरेका छन् ।
अध्यक्ष र महासचिवको विवादले गर्दा तरुण दल विघटनको संघारमा रहेको पार्टीका नेताहरू बताउछन् । दुवैको विज्ञप्तीमा संगठनको हितविपरीत काम गरेकाले साधारण सदस्य समेत नरहने गरी हटाइएको विज्ञप्तीमा उल्लेख गरिएको छ । यसैगरी महासचिव शाहीले अध्यक्ष बस्नेतमाथि भ्रष्टाचारविरुद्ध लक्षित अख्तियार घेराउ कार्यक्रमलाई अन्तिम समयमा रोकेको, पटक-पटक संगठन विस्तारको काम गर्न नचाहेको जस्ता आरोप लगाएको कुरा विज्ञाप्तिमा उल्लेख छ ।
