काठमाण्डौः नेपाल सरकार मन्त्रिपरिषदको बैठक प्रधानमन्त्रीको सरकारी निवाश बालुवाटारमा शुरू भएको छ । मंगलबार साँझ शुरू भएको बैठकमा प्रधानमन्त्री केपी शर्मा ओली, उपप्रधान एवं रक्षामन्त्री इश्वर पोखरेल, गृहमन्त्री रामबहादुर थापा बादल लगायत विभिन्न मन्त्रालयका मन्त्रिहरू, मुख्य सचिव लोकदर्शन रेग्मी लगायत डेढ दर्जन मन्त्रीहरूको उपस्थिति रहेको छ ।
बैठकले प्रधानमन्त्री केपी शर्मा ओली स्वास्थ्यका कारण संयुक्त राष्ट्रसंघीय महासभामा सहभागी नहुने भएपछि परराष्ट्रमन्त्री प्रदीप ज्ञवाली नेतृत्वको टोली महासभामा सहभागी हुन असोज ४ गते न्युयोर्क प्रस्थान गर्नेछ त्यसैगरी संयुक्त राष्ट्रसंघको आयोजनामा हुने अर्को उच्चस्तरीय कार्यक्रममा सहभागी हुन उपप्रधानमन्त्री उपेन्द्र यादव र वन तथा वातावरणमन्त्री शक्तिबहादुर बस्नेत न्युयोर्क जाने कार्यक्रमलाइ समेत स्वीकृत प्रदान गर्ने मुख्य एजेण्डा रहेको बताइएको छ ।
