काठमाण्डौः सत्तारूढ समाजवादी पार्टीले असोज ३ गते संबिधान दिवसको दिन सातवटै प्रदेशमा अन्तरक्रिया गर्ने भएको छ । बालकुमारीस्थित पार्टी केन्द्रिय कार्यालयमा बसेको पदाधिकारी बैठकले सात वटै प्रदेशहरूमा केन्द्रिय बक्ता समेत तय गरेको हो । प्रदेश नम्बर १ मा पार्टीका सहअध्यक्ष राजेन्द्र श्रेष्ठलाइ तोकेको छ भने प्रदेश नम्बर २ मा मुख्यमन्त्रीको समेत जिम्मेबारीमा रहेका बरिष्ट नेता लालवावु राउतलाइ तोकेको छ ।
त्यसैगरी ३ नम्बर प्रदेशमा अध्यक्ष डा. बाबुराम भट्टराई र बरिष्ट उपाध्यक्ष अशोक राईलाइ तोकेको छ भने ४ नम्बर प्रदेश (गण्डकी प्रदेश) मा रकम चेम्जोङ्गलाइ केन्द्रिय बक्ताको रूपमा चयन गरेको छ । ५ नम्बर प्रदेशको बक्ताको रूपमा नवराज सुवेदीलाई ६ नम्बर प्रदेश (कर्णाली प्रदेश)मा भक्त बहादुर शाहलाइ र ७ नम्बर प्रदेशको प्रमुख बक्ताको रूपमा हेमराज राईलाइ जिम्मेबारी तोकिएको समाजबादी विद्यार्थी युनियनका अध्यक्ष रूपनारायण श्रेष्ठले बताएका छन् ।
