अरुण नदीमा जिप खस्दा ६ जना बेपत्ता, खोजी कार्य जारी (नाम सहित)

काठमाण्डौः संखुवासभाको धर्मदेवी स्थित अक्करको भीरबाट अरुण नदीमा बुलेरो जिप खस्दा ६ जना बेपत्ता भएका छन् । सङखुवासभा जिल्ला अस्पताल खाँदबारीबाट रेफर गरि धरानतर्फ लैजादै गरेको बिरामी बोकेको को १ ज ३७४९ नम्बरको बुलेरो मंगलबार राति अन्दाजि ११ बजेको समयमा धर्मदेवी नगरपालिका वडा नम्बर ८ स्थित अक्करको भीरबाटअरुण नदीमा खसेको हो ।

दुर्घटना लगत्तै राती प्रहरीको टोली उक्त स्थानमा पुगेपनि मौसम खराबका कारण बेपत्ताहरूको खोजी कार्यमा समस्या भएको थियो । बुधबार बिहानबाट मौसम खुलेकोले उक्त जिपमा सवार ६ जना बेपत्ता भएकाहरूको खोजी कार्य बिहानैदेखी जारी रहेको प्रहरीले जनाएको छ । यद्दपी अरूण नदी पानीको बहाब बढेकोले खोजी गर्न कठिनाइ भइरहेको बताइएको छ

बेपत्ता हुनेहरुः

१. सन्तोस बि.क. (चालक) (खाँदबारी न.पा.३)

२. सदिक्षा श्रेष्ठ (खाँदबारी न.पा.- ९)

३. समीप श्रेष्ठ (१ महिनाको बच्चा) (खाँदबारी न.पा.-९) बिरामी

४. प्रेम थापा मगर (खाँदबारी न.पा.- ९)

५. कल्पना थापा मगर (खाँदबारी न.पा. ९)

६. संगम श्रेष्ठ (खाँदबारी न. पा.- ९)