काठमाडौं: राष्ट्रिय प्रजातन्त्र पार्टीका अध्यक्ष कमल थापाले दशै लगत्तै भ्रष्टाचार विरुद्ध आन्दोलन शुरू गर्ने बताएका छन् । रिपोर्टर्स क्लब नेपालमा बुधबार बिशेष साक्षात्कार कार्यक्रममा बोल्दै अध्यक्ष थापाले उक्त कुरा बताएका हुन् ।
अध्यक्ष थापाले नेपालमा सनातन हिन्दु राष्ट्र कायम गर्नु पर्ने भन्दै राजादेखि बिप्लवसम्म अटाउन सक्ने बहस गर्नु पर्ने बताए । उनले भने वर्तमान दुइ तिहाइको सरकारले जनताको भावना अनुसार काम गर्न नसकेको उल्लेख गर्दै भने संविधान मानिरहेका राजा ज्ञानेन्द्रमाथि अनावश्यक आरोप नलगाउन पनि आग्रह समेत गरे ।
थापाले दुइ तिहाइको सरकारले देशमा गरेको भष्टाचारको फेरिस्त समेत सुनाउन भ्याए । NCELL कर छली काण्ड बालुवाटार सरकारी जग्गा काण्ड र बाईडबडि खरिद काण्डमा अरबौ रुपैयाँ भष्टाचार भएको समेत बताए । यसको लागि राप्रपाले विजया दशमीपछि भ्रष्टाचार विरुद्ध आन्दोलन शुरू गर्ने बताएका छन् । शान्तिपूर्ण आन्दोलन गर्न पाउने अधिकार सबैको रहेको भन्दै थापाले शिव सेना नेपालका अध्यक्ष अनिल बस्नेत (बाबा) को तुरुन्त रिहाइको समेत माग गरेका थिए ।
