काठमाण्डौः नेपाली काँग्रेस संसदिय दलको बैठकले संसदमा असहमतिका बाबजुद पनि सरकारले बहुमतको आडमा बिधेयक ल्याइ रहेको भन्दै संसद बैठक निरन्तर अवरूद्ध पार्ने निर्णय गरेको छ । संसदिय दलका नेता एवं पार्टी सभापति शेर बहादुर देउबाको अध्यक्षतामा सिंहदरबारमा बसेको संसदिय दलको बैठकले उक्त निर्णय गरेको हो ।
बुधबार मध्यान्ह २ घण्टा बसेको बैठकले पार्टीको असहमती हुँदा हुँदै पनि राष्ट्रियसभाको बैठकले भूमि सम्बन्धि आठौ संशोधन विधेयक २०७५ लाई संसोधन सहित बहुमतले पारित गरेपछि आक्रोसित बनेको छ ।
उपनेता बिजय कुमार गच्छदार, महामन्त्री डा. शसांक कोइराला, प्रमुख सचेतक बालकृष्ण खाँण, ज्ञानेन्द्र बहादुर कार्की, पुष्पा भुसाल लगायत तीन दर्जन सांसदहरूको उपस्थिति रहेको बैठकमा दलका नेता समेत रहेका देउवाले यथास्थितिमा नागरिकता सम्बन्धी विधेयक कुनै हालतमा पारित हुन नदिन पार्टीका सांसदहरुलाई निर्देशन समेत दिएका छन् ।
त्यसैगरी विचाराधिन नागरिकता सम्बन्धी विधेयक सरकारले बहुमतको आडमा पारित गर्न खोजेको उल्लेख गर्दै विधेयकलाई पारित हुन नदिन आफ्ना सांसदहरुलाई निर्देशन दिएका छन् ।
