शेयर गर्नुहोस:
फन्ट परिवर्तन गर्नुहोस:
अ
अ
अ
काठमाडौः संविधान दिवशको दिन संविधान जलाएको अभियोगमा शुक्रबार काठमाण्डौंबाट पक्राउ परेका थरुहट/थारुवान राष्ट्रिय मोर्चाका केन्द्रीय सदस्य सिताराम थारु सहितका नेताहरुलाई प्रहरीले रिहा गरेको छ ।
असोज ३ कालो दिन भन्दै संविधान दिवशको बिरोधमा प्रदर्शन गरिरहेको बेला प्रहरीले थरुहट/थारुवान राष्ट्रिय मोर्चाका केन्द्रीय सदस्य सिताराम थारु तथा नेकपा काभ्रेका जिल्ला समिटि सदस्य कुलदेव अस्तानी र कुमार लिङदेन नेतृत्वको संघीय लोकतान्त्रिक राष्ट्रिय मञ्चका महासचिव यलम्बर खम्बुलाई शुक्रबार काठमाडौंको बसन्तपुर क्षेत्रबाट पक्राउ गरेको थियो ।
उनीहरुलाई जनसेवा प्रहरी परिसर न्यूरोडबाट शनिबार अपरान्ह रिहा गरिएको हो । रिहा लगत्तै तीनै जनालाई थरुहट/थारुवान राष्ट्रिय मोर्चाका कार्यकर्ताहरूले खादा लगाएर स्वागत गरेका थिए ।
