सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

यी हुन् मन्त्रीपरिषद बैठकले गरेका निर्णयहरु (पूर्ण बिवरण सहित)

२०७६ असोज ९, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौ: सञ्चारमन्त्री गोकुल बास्कोटाले मन्त्रिपरिषद् बैठकले गरेका निर्णयहरु सार्वजनिक गरेका छन् ।

सञ्चार तथा सुचना प्रविधि मन्त्रालयको सभाहल सिंहदरबारमा बिहिवार अपरान्ह ४ बजे संचारमन्त्री गोकुल प्रसाद बास्कोटाले मन्त्रीपरिषद्ले गरेको निर्णयहरु सार्वजनिक गरेका हुन् । असोज ७ गते बसेको मन्त्रिपरिषद् बैठकले गरेका निर्णयहरु :-

१.     नेपाल ट्रस्ट पहिलो संशोधन नियमावली २०७६ स्वीकृत गरिएको छ ।

२.     मोरङ जिल्ला प्रशासनबाट जारी भएको शम्भुप्रसाद मण्डलको नेपाली नागरिकताको प्रमाणपत्र रद्द गरी निजलाई नेपाली नागरिकबाट हटाउने निर्णय गरिएको छ  ।

३.     एसिड आक्रमणबाट घाइते भएकी जेनी खड्का र मुस्कान खातुनलाई उपचार खर्च एवं जीवनयापन जनही ३ लाख रुपैयाँ आर्थिक सहायता उपलब्ध गराउने निर्णय गरेको छ ।

४.    चितवन जिल्ला भरतपुर उपमहानगरपालिका वडा नम्बर १६ वडाध्यक्षको रिक्त पद पूर्तिका लागि २०७६ मंसिर १४ गते शनिबार निर्वाचन हुने गरी मिति तोक्ने र सो जानकारी निर्वाचन आयोगलाई दिने निर्णय गरेको छ ।

५.     नेपाली नागरिकहरू नारायणप्रसाद अर्जुन र महासेनानी रामजी थापालाई विदेशी मुलुकबाट पदक ग्रहण गर्ने स्वीकृति दिएको छ ।

६.     प्रहरी अतिरिक्त महानिरीक्षक सरुवा गर्ने निर्णय गरिएको छ ।

७.     उपरथी प्रभुराम शर्माको पदावधि एक वर्ष दुई महिना १५ दिन थप गर्ने निर्णय गरिएको छ ।

८.     नेपाल प्रज्ञा प्रतिष्ठान र इजरायल हिन्दु लेखक सन्देश वाङ्मय आदानप्रदान तथा सहकार्य गर्ने कार्यक्रम सम्बन्धी प्रस्तावित समझदारी पत्रमा नेपालको तर्फबाट हस्ताक्षर गर्न नेपाल प्रज्ञा प्रतिष्ठानका उपकुलपतिलाई स्वीकृति दिईएको छ ।

९.     नेपाल सरकार र अस्ट्रेलिया सरकारबीच हवाई सेवा सम्झौता प्रारम्भिक हस्ताक्षर गर्ने निर्णय गरिएको छ ।

१०.    शहरी पूर्वाधार विकास नियमको निगमको स्थापना तथा संचालन सम्बन्धमा व्यवस्था गर्न बनेको विधेयक तर्जुमा गर्ने सैद्धान्तिक स्वीकृति दिएको छ ।

११.    राजकीय अथिति गृह निर्माण तयार गरिएको गुरुयोजना स्वीकृत गरिएको छ ।

१२.    पूर्व राष्ट्रपति डाक्टर रामवरण यादवलाई भारतको चण्डिगढ स्थित अस्पतालमा उपचार गराउँदा लागेको उपचार र उपचार सम्बन्धित बिल बमोजिमको रुपैयाँ नयाँदिल्ली स्थित नेपाली राजदूतावासबाट भुक्तानी दिने निर्णय गरिएको छ ।

१३.    सूचनाको हक कार्यान्वयन सम्बन्धी अनुगमन निर्देशिका २०७५ स्वीकृत गरिएको छ ।

१४.    एकल महिला सुरक्षा कोष संचालन पहिलो संशोधन नियमावली २०७६ स्वीकृत गरिएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

‘शिक्षा सुधारमा स्थानीय तह र समुदायको भूमिका महत्त्वपूर्ण हुन्छ’

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सडक पूर्वाधार निर्माणमा सेनाको महत्वपूर्ण योगदान छः राष्ट्रपति

महादेवटार सुरुङ ‘ब्रेक थ्रु’

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना