काठमाण्डौंः अनलाइन बजार दराजले दराज महाबचत बजार अभियान लिएर आएको छ ।
दराजले आफ्नो उपभोक्ताहरुको किनेमल अनुभवलाई अझै रमाइलो बनाउन सो अभियान ल्याएको जनाएको छ । अभियान १२ देखी १९ साउनसम्म लागू हुनेछ । यस ८ दिने सेल अभियानमा हुने बचत भाउचर, बचत अफर, निशुल्क डेलिभरी, र अन्य धेरै अवसरपाइ ग्राहकहरुले हरेक सामानमा बचत गर्न सक्नेछन् ।
यसबाहेक, ग्राहकहरुले ईसेवा मार्फत थप २० प्रतिशत (१००० रुपैयाँसम्म), र पार्टनर बैंकका (मेगा बैंक, सनिमा बैंक, नबिल बैंक, ग्लोबल आईएमई, माछापुछ्रे बैंक, एनएमबी, एनआईसी एशिया, कुमारी बैंक, सनराइज बैंक, नेपाल इन्भेस्टमेन्ट बैंक) डेबिट र क्रेडिट कार्ड मार्फत प्रीपेमेन्ट गर्दा थप १५ प्रतिशत (२००० रुपैयाँसम्म) छुट पाउन सक्छन् ।
यस अभियान मार्फत ग्राहकहरुले अन्य धेरै पुरस्कार पनि जित्न सक्नेछन् जसमा सुजुकी बर्ग म्यान स्ट्रीट १२५ सीसी महा बम्पर पुरस्कारको रुपमा छ । अर्को ठुलो पुरष्कार आईफोन एसई रहेको छ जुन ईसेवा र दराज द्वारा संचालित वान रुपी गेम मार्फत जित्न सकिन्छ । यस गेम मार्फत ग्राहकले सोनी एक्शन क्याम, होमग्लोरी भ्याकुम क्लीनर, र सीजी एयर कूलर लगायतका धेरै पुरस्कारहरु जित्न सक्नेछन् ।
थप जानकारीका लागि दराज एप डाउनलोड गर्न वा Daraz Mahabachat Bazar यो लिंकमा जान सकिने दराजले जनाएको छ ।
