काठमाण्डौः नेपाली कांग्रेसका नेता डा. मिनेन्द्र रिजालमाथि नेकपा कार्यकर्ताहरुले आक्रमणको प्रयास गरेका छन् । तनहुँको रिसिङ गाउँपालिका भवन शिलन्यासका लागि त्यसतर्फ गएका काँग्रेस नेता रिजालमाथि रिसिङ गाँउपालिका जाने बाटोमा सत्तारुढ नेपाल कम्यनिस्ट पार्टी (नेकपा) का कार्यकर्ताहरुले बाटो छेकी आक्रमणको प्रयास गरेका हुन् ।
नेकपाका कार्यकर्ताहरुले उनलाई गाउँपालिका कार्यालय जान नदिन बाटोमा रुख ढाल्नुका साथै अवरोध सिर्जना गर्नुका साथै विभिन्न स्थानमा ढुंङ्गामुढा गर्ने प्रयास समेत भएको बताइएको छ ।
काँग्रेस संसदिय दलद्धारा भत्सना
काँग्रेस संसदिय दलका प्रमुख सचेतक बालकृष्ण खाँणले आईतबार साँझ प्रेश विज्ञप्ती जारी गरी उक्त घटनाप्रति नेपाली कांग्रेस संसदीय दलको गम्भीर ध्यानकर्षण भएको जनाएका छन् । जारी विज्ञप्तीमा “प्रहरी एवं स्थानीय प्रशासनलाई पूर्व जानकारी हुँदाहुँदै पनि राष्ट्रको उच्च पदमा रहनु भएका प्रतिनिधि सभाका सदस्यलाई सुरक्षा दिन नसक्नु सरकार एवं स्थानीय प्रशासनको गम्भीर कमजोरी हो” भनिएको छ ।
साथै सचेतक खाँणले “सत्ताको आडमा नेपालको संविधानलाई ठाडो चुनौती दिदै भएको यस घृणित एवं अपराधिक कार्यप्रति नेपाली कांग्रेस घोर भत्र्सना गर्दछ” भनेका छन् ।
नेकपाका कार्यकर्ताहरुले एक पछि अर्को दिनप्रति दिन अपराधिक घटनाहरु घटाइरहेको हुँदा यस प्रकृतिका घटनाहरु तत्काल रोक्न तथा दोषीहरुलाई कानूनी कार्वाही गर्नका लागि नेपाली कांग्रेस माग गर्दछ भनि उल्लेख गरेका छन् ।
काँग्रेस संसदिय दलका प्रमुख सचेतक बालकृष्ण खाँण तथा काँग्रेस मुख्य सचिव कृष्ण प्रसाद पाैडेलले जारी गरेको प्रेश विज्ञप्तीः
असोज १२, २०७६
