काठमाडौं : वरिष्ठ मुटुरोग विशेषज्ञ डा. भगवान कोइरालाको नाम त्रिभुवन विश्वविद्यालय उपकुलपतिको शिर्ष स्थानमा सिफारिस भएका छन् ।
बालुवाटार स्रोतका अनुसार डा. भगवान कोइरालासहित अन्य २ जना डा. धर्मकान्त बास्कोटा र डा. चन्द्रमणि पौडेलको नाम सिफारिसमा परेको छ ।
हाल निमित्त उपकुलपतिको जिम्मेवारीमा रहेकी प्रा.डा. सुधा त्रिपाठीको नाम भने सिफारिसमा परेको छैन ।
बर्तमान उपकुलपति प्रा.डा. तिर्थ खनियाको कार्यकाल सकिनै लाग्दा नयाँ उपकुलपतिका लागि सहकुलपति एवम् शिक्षामन्त्री गिरिराजमणि पोख्रेलको अध्यक्षतामा समिति गठन भएको थियो ।
सो समितिले लामो समयसम्म पनि नाम छनोट गर्न नसक्दा रेक्टर प्रा.डा. सुधा त्रिपाठीलाई निमित्त उपकुलपतिको जिम्मेवारी दिइएको थियो ।
डा. कोइराला त्रिवि शिक्षण अस्पताल महाराजगञ्जका कार्यकारी निर्देशकसमेत बनिसकेका छ्न।
उपकुलपतिका लागि सिफारिस परेका दोस्रो नम्बरमा छ्न डा.धर्मकान्त बास्कोटा उनी त्रिवि शिक्षण अस्पतालका नाक, कान, घाँटी रोग विशेषज्ञ हुन साथै नेपाल मेडिकल काउन्सिलको अध्यक्षबाट हालै अवकास पाएका हुन ।
