सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत

२०८३ मंग्सिर ५, शनिबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ। अमेरिकी सिनेटले इरानमाथि थप सैन्य आक्रमण गर्न राष्ट्रपति डोनाल्ड ट्रम्पलाई रोक लगाउने उद्देश्यसहित ल्याइएको युद्ध अधिकारसम्बन्धी प्रश्ताव अस्वीकृत गरेको छ ।

रिपब्लिकनको नियन्त्रणमा रहेको सिनेटमा बिहीवार भएको मतदानमा प्रश्तावको पक्षमा ४८ र विपक्षमा ५१ मत परेको थियो । तीन जना रिपब्लिकन सिनेटर सुसान कोलिन्स, लिसा मुर्कोस्की र ¥यान्ड पलले डेमोक्र्याटिक सांसदहरूसँगै प्रस्तावको पक्षमा मतदान गरेका थिए ।

यस्तै पेन्सिलभेनियाका डेमोक्र्याटिक सिनेटर जोन फेटरम्यानले भने प्रस्तावको विपक्षमा मत दिएका थिए । यसअघि गत सेप्टेम्बरमा अमेरिकी प्रतिनिधिसभाले उक्त प्रस्ताव पारित गरेको थियो । तर सिनेटबाट अस्वीकृत भएपछि राष्ट्रपति ट्रम्पलाई इरानमाथि थप सैन्य कारबाही गर्ने निर्णयमा रोक लगाउने प्रयास सफल हुन सकेन ।

गत नोभेम्बर ३ मा भएको मध्यावधि निर्वाचनमा रिपब्लिकन पार्टीले ठूलो पराजय व्यहोरेको करिव दुई सातापछि सिनेटमा उक्त मतदान भएको हो । इरान युद्धका कारण विश्व बजारमा तेलको मूल्य बढ्नु रिपब्लिकनको चुनावी पराजयको एउटा कारण रहेको विश्लेषण गरिएको छ ।

‘द न्युयोर्क टाइम्स’का अनुसार युद्धप्रति अमेरिकी जनताको असन्तुष्टिका कारण चुनावमा क्षति पुगेको स्वीकार गर्ने रिपब्लिकन नेताहरू भएपनि मतदाताको सन्देशले पार्टीको इरानसम्बन्धी अडानमा परिवर्तन ल्याउन सकेको छैन ।

फेब्रुअरी २८ मा इरानसँग द्वन्द्व शुरु भएयता अमेरिकी संसद्मा युद्ध अधिकारसम्बन्धी प्रस्तावमाथि २१ पटक मतदान भइसकेको छ । जसमध्ये प्रतिनिधि सभामा ६ र सिनेटमा १५ पटक मतदान भएको न्युयोर्क टाइम्सले जनाएको छ ।

यसअघि जुन २३ मा अमेरिकी सिनेटले इरानमा थप सैन्य कारबाही गर्नुअघि कंग्रेसको स्वीकृति लिनुपर्ने व्यवस्था गर्ने उद्देश्यसहितको प्रश्ताव पारित गरेको थियो । द्वन्द्व शुरु भएयता यस्तो प्रस्ताव दुवै सदनबाट पारित भएको त्यो पहिलो अवसर थियो ।

यद्यपि अमेरिकी सञ्चारमाध्यमहरूले उक्त प्रस्तावलाई मुख्यतः प्रतीकात्मक कदमका रूपमा व्याख्या गरेका थिए । मध्यावधि निर्वाचनपछि सिनेटमा डेमोक्र्याटिक दलका नेता चक सुमरले इरानसँगको युद्ध अन्त्य गर्ने प्रतिवद्धता व्यक्त गरेका थिए ।

उनले यसका लागि केही रिपब्लिकन सिनेटरहरूको समेत समर्थन प्राप्त हुने बताएका थिए । सिन्ह्वा

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

हरेदी दलसँग गठबन्धन बन्ने लिबरम्यानको विश्वास

आर्थिक आत्मनिर्भरता र पारिवारिक जीवन सुरु गर्न युवालाई चुनौती बढ्दै : राष्ट्रसङ्घीय प्रतिवेदन

रोहिङ्ग्याको न्यायको आशा, घर फर्कने प्रतीक्षा

जीवाश्म इन्धनमा विवादले जलवायु वार्ता अन्योलमा

मुद्रास्फीति बढेपछि श्रीलङ्काले ब्याजदर बढायो

इरानको चेतावनी : सर्त मान, नत्र युद्धको सामना गर

इरानमाथि सैन्य कारबाही अपरिहार्य भएको नेतान्याहुको दाबी

युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास

एआईको नियन्त्रण केही प्रविधि कम्पनीको हातमा सीमित हुनु चिन्ताजनक : राष्ट्रसङ्घ

रोहिङ्ग्यामाथि म्यान्माले नरसंहार गरेको अन्तर्राष्ट्रिय अदालतको ठहर

चीन, अमेरिका र रुसद्वारा ‘शान्ति घोषणापत्र’ जारी

चीनद्वारा ‘शिजियान–२४’ भूउपग्रह सफलतापूर्वक प्रक्षेपण