काठमाण्डौः नेपाली काँग्रेसका नेता बद्री पाण्डेले दुई तिहाइको वर्तमान सरकारले माखा मार्न नसकेको आरोप लगाएका छन् । शनिवार भक्तपुरको सुर्यबिनायकमा आयोजित चियापान कार्यक्रममा बोल्दै पाण्डेले यस्तो बताएको हो ।
बिजया दशमीको अवशर पारेर काँग्रेस भक्तपुर जिल्ला कार्यसमितिले आयोजना गरेको शुभकामना आदानप्रदान कार्यक्रममा बोल्दै पाण्डेले संसदमा गुठि बिधयेक दर्ता गरेर वर्तमान सरकारले संस्कृति माथि नै प्रहार गरेको बताएका छन् ।
नेपाली कांग्रेसका केन्द्रिय सदस्य एवं राष्ट्रिय सभा सदस्य समेत रहेका पाण्डेले गुठिको जग्गा भाडामा लगाउन र आफ्नो पार्टीका कार्यकर्तालाई बाँड्न सरकारले गुठि बिधयेक ल्याएको आरोप लगाएका हुन् ।
संविधानको मर्म बिपरित सरकार र नेकपा चलिरहेको भन्दै पाण्डेले संविधानले सभामुख र उपसभामुख छुट्टाछुटै दलको हुनुपर्नेमा नेकपाले एउटै दलको राखेर संविधान उल्लङ्घन गरिरहेको गम्भिर आरोप लगाएका छन् ।
उनी भन्छन् चिनियाँ स्कुल बिभागको निति लियर नेकपाले गरेको बिचार गोष्ठि संविधान बिपरित छ । साथै पाण्डेले सि जिनपिङको निति अनुसार चल्ने निति लिएको नेकपा संविधान बिरोधि भएको आरोप समेत लगाएका थिए ।
उक्त कार्यक्रममा कांग्रेसका भक्तपुर जिल्ला सभापति दुर्लभ थापा, प्रदेश नं ३ की सांसद रजनी जोँछे, पुर्व सभापति गणेशमान चक्रधर लगायतको सहभागिता रहेको थियो ।
