काठमाण्डौः सत्तारुढ नेपाल कम्युनिष्ट पार्टी (नेकपा)ले असोज अन्तिम साता चियापान कार्यक्रमको आयोजना गर्दैछ ।
दशैँ, तिहार, नेपाल सम्वत, छठ लगायत चाडपर्वको अवसरमा यही असोज २९ गते चियापान कार्यक्रमको आयोजना गर्ने भएको हो । काठमाडौँको भृकुटीमण्डपमा आयोजना गर्न लागिएको चियापान कार्यक्रममा एक लाख भन्दा बढी कार्ड वितरण गरिने तयारी गरिएको छ ।
केन्द्रिय कार्यालयका अनुसार उक्त कार्यक्रममा ४० हजार सर्वसाधरण र विशिष्ट ब्यक्तिहरूको उपस्थिती रहने जनाइएको छ ।
सर्वसाधरणको लागि मध्यान्ह १२ बजेदेखि ३ बजेसम्म चियापान कार्यक्रम राखिएको छ । यसैगरी कुटनीतिक नियोग तथा सम्मानित ब्यक्तिहरूको लागि भने ३ बजेदेखि ५ बजेसम्मको समय निर्धारण गरिएको छ ।
चियापान समारोह कार्यक्रममा पार्टीका अध्यक्षद्धय, बरिष्ट नेता एवं सम्पूर्ण नेताहरूको उपस्थितिमा निम्त्याइएका पाहुनाहरूलाइ नेताहरूले स्वागत गर्ने कार्यक्रम राखिएको छ ।
तत्कालिन एमालेका अध्यक्ष मनोमहोन अधिकारीले शुरू गरेको चियापान कार्यक्रमलाई निरन्तरता दिइएको नेकपा नेताहरूले बाताएका छन् ।
