सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

एप्पलले पहिलो पटक ‘फोल्डवेल’ फोन लञ्च गर्दै, हुनेछ अहिलेसम्मकै महंगो आइफोन

२०८३ श्रावण २२, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, २२ साउन । एप्पलको पहिलो फोल्डेबल ‘आईफोन अल्ट्रा’ सार्वजनिक हुन अब करिब एक महिना मात्र बाँकी छ।

बजारमा आउनुअघि नै यो डिभाइसले फोल्डेबल फोनको बजारमा आफ्नो वर्चस्व कायम गर्ने अपेक्षा गरिएको छ। यो आईफोनको आगमनसँगै फोल्डेबल फोनको बिक्री वा आपूर्तिमा २० प्रतिशतले वृद्धि हुन सक्ने अनुमान गरिएको छ।

यसैबीच, एप्पलले यो फोन अत्यधिक सफल हुने अपेक्षा गरेको छ र यसैका माध्यमबाट सामसुङ तथा गुगलजस्ता बजारका अग्रणी कम्पनीहरूलाई चुनौती दिन पूर्ण तयारी गरेको छ।

अन्य कम्पनीहरूले वर्षौ देखि फोल्डेबल फोनहरू बजारमा ल्याइरहेका बेला लामो प्रतीक्षापछि एप्पल यस क्षेत्रमा प्रवेश गर्ने तयारी गरिरहेको छ। आउनुहोस्, फोल्डेबल आईफोनमा कस्ता विशेषताहरू हुनेछन् र यसलाई खरिद गर्दा तपाईंको खल्तीमा कति ठूलो असर पर्नेछ, त्यस बारेमा जानकारी लिऔँ।

जानकारीहरूका अनुसार  ‘आईफोन अल्ट्रा’ मा ७.८ इन्चको मुख्य डिस्प्ले र ५.५ इन्चको कभर डिस्प्ले हुने अपेक्षा गरिएको छ, जसले ट्याब्लेटजस्तै अनुभव प्रदान गर्नेछ। पूर्ण रूपमा खोलिएको अवस्थामा यस उपकरणको मोटाइ ४.५ मिलिमिटर हुने अनुमान गरिएको छ। एप्पलले डिस्प्लेमा कुनै पनि प्रकारको धर्सा वा पट्याइएको दाग नदेखियोस् भन्ने कुरा सुनिश्चित गर्न निकै प्रयास गरिएको छ । यो विशेषता फोन सार्वजनिक भएपछि स्पष्ट हुनेछ।

विभिन्न समाचारहरूले जनाए अनुसार कम्पनीले पुनः डिजाइन गरिएको ‘लिक्विडमेटल हिन्ज’ र अति पातलो ग्लासको प्रयोगलगायत संरचनागत सुधारहरू गरेको छ। फोल्डेबल आईफोनमा एप्पलको ‘ए २० प्रो’ चिपसेट समावेश हुन सक्छ, जुन टिएसएमसीको २ न्यानोमिटर प्रविधि प्रयोग गरी निर्माण गरिएको हो। यही चिपसेट आइफोन १८ प्रो र आइफोन १८ प्रो म्याक्समा पनि प्रयोग गरिनेछ, जसले उत्कृष्ट कार्यक्षमताका साथै ऊर्जा दक्षतासमेत प्रदान गर्नेछ। यसमा १२ जीबी र्याम रहने सम्भावना छ र यसमा एआई युक्त सिरीलगायत एप्पल इन्टेलिजेन्सका सम्पूर्ण सुविधाहरू समावेश हुने अपेक्षा गरिएको छ। यो उपकरण आइओएस २७ मा सञ्चालन हुनेछ । यो फोल्डेबल आईफोनका लागि नै विशेष रूपमा अनुकूलित गरिएको एप्पलको अपरेटिङ सिस्टम हो।

क्यामेराको कुरा गर्दा फोल्डेबल आईफोन ‘आईफोन १८ प्रो’ मोडलहरू भन्दा पछाडि रहनेछ। १८ प्रो मोडलहरूमा ट्रिपल रियर क्यामेरा सेटअप हुनेछ भने ‘आईफोन अल्ट्रा’ मा ४८ मेगापिक्सेलको मुख्य क्यामेरा र ४८ मेगापिक्सेलको अल्ट्रा वाइड सेन्सर हुन सक्छ। यसको अगाडिको भागमा रहेका दुवै डिस्प्लेमा सेल्फी क्यामेराहरू हुने छन्। यस आईफोनमा एप्पलले फेस आईडीको सट्टा टच आईडी राखेको छ।

यो फोनको पावर बटनमा ‘टच आईडी’ सेन्सर रहने अपेक्षा गरिएको छ। ब्याट्रीको कुरा गर्दा एप्पलले यसमा करिब ५,००० एमएएच क्षमताको ब्याट्री प्याक राख्न सक्छ। अझ राम्रो कार्यक्षमता सुनिश्चित गर्न एप्पलले ‘हाई डेन्सिटी बेटरी’ प्रविधि प्रयोग गर्न सक्छ।

एप्पलले फोल्डेबल आईफोनका बारेमा अहिलेसम्म कुनै जानकारी सार्वजनिक गरेको छैन। फलस्वरूप, यसका विशेषता र मूल्यसम्बन्धी आधिकारिक विवरण उपलब्ध छैनन् यद्यपि चुहिएका जानकारी र विभिन्न समाचार अनुसार ‘आईफोन अल्ट्रा’को मूल्य करिब ३ लाख २० हजार नेपाली रुपैयाँबाट सुरु हुने अनुमान गरिएको छ। यो मूल्यमा उपलब्ध भएमा यो एप्पलको हालसम्मकै सबैभन्दा महँगो आईफोन हुनेछ। यसको सार्वजनिक प्रदर्शन सेप्टेम्बर ९ मा हुनेछ र त्यसको करिब एक हप्तापछि बिक्री सुरु हुने अपेक्षा गरिएको छ।

एप्पल आफ्नो आगामी आईफोनमार्फत ‘फोल्डेबल’ फोनको बजारमा भव्य प्रवेश गर्ने तयारीमा छ । यो कदमले सामसङको बजार हिस्सामा उल्लेख्य प्रभाव पार्ने अपेक्षा गरिएको छ। हाल यस बजारमा सामसङको हिस्सा सबैभन्दा ठूलो छ। प्रतिस्पर्धाको सामना गर्न कम्पनीले गत महिना मात्रै नयाँ बनावटसहितको ‘ग्यालेक्सी जेड फोल्ड ८’ सार्वजनिक गरेको थियो।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना

टेलिफोन पहुँचबाट वञ्चित हुनुपर्ने अवस्थाको चाँडै अन्त्य हुन्छः सञ्चारमन्त्री डा तिमिल्सिना

इन्टरनेट सेवा प्रदायकलाई दूरसञ्चार प्राधिकरणको निर्देशन

गोपनीयता उल्लंघनको आरोपमा फेसबुकलाई इटालीकाे ८८० मिलियन डलर जरिवाना

नेपाल टेलिकमले ३० एमबीपीएस फाइबर र मेस एपी अफरको अवधि थप्यो

विपद्पछिको सञ्चार पूर्वाधार पुनर्निर्माणमा अन्तरराष्ट्रिय सहयोग आवश्यक छ : मन्त्री तिमिल्सिना

नेपाल टेलिकमको खरिद प्रक्रियाबारे भ्रमपूर्ण समाचार नफैलाउन आग्रह

बाजुरामा इन्टरनेट र टेलिफोन सेवा अवरुद्ध

प्रेस स्वतन्त्रता अक्षुण्ण राख्दै आमसञ्चार क्षेत्रलाई व्यवस्थित बनाउनुपर्छः मन्त्री डा तिमिल्सिना

सूचना प्रविधि प्रयोगशाला

सामाजिक सञ्जालबाटै करोडौँ आम्दानी

एनटी फाइबरको प्याकेजमा ग्राहकको आकर्षण, अनलाइनबाटै सेवा लिन सकिने