सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

प्रधान सेनापति सिग्देलको बेलायत भ्रमण : उच्च सैनिक तथा सरकारी अधिकारीसँग भेटवार्ता

२०८३ असोज २१, बुधबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । बेलायतको औपचारिक भ्रमणमा रहेका प्रधान सेनापति अशोक राज सिग्देलले बेलायती उच्च सैनिक तथा सरकारी अधिकारीसँग शिष्टाचार भेटवार्ता गरेका छन्।

बेलायती सेनाका प्रमुख जनरल सर रोली वाकरको निमन्त्रणामा असोज १९ गतेदेखि बेलायत भ्रमणमा रहेका प्रधान सेनापति सिग्देलले भ्रमणका क्रममा बेलायती उच्च अधिकारीहरूसँग भेटवार्ता तथा विभिन्न सैन्य गतिविधिमा सहभागिता जनाएका हुन्।

असोज २० गते प्रधान सेनापति सिग्देलले सैन्य रणनीति तथा सञ्चालनसम्बन्धी उपप्रमुखसँग शिष्टाचार भेटवार्ता गरेका थिए। त्यसैगरी उनले पूर्वसैनिक तथा जनशक्ति मामिलासम्बन्धी राज्यमन्त्रीका संसदीय उपसचिवसँग पनि छुट्टाछुट्टै भेटवार्ता गरेका थिए।

भेटवार्ताका क्रममा नेपाल र बेलायतबीच लामो समयदेखि कायम रहेको मैत्रीपूर्ण सम्बन्ध, सैनिक सहकार्य तथा आपसी हितका विषयमा छलफल भएको जनाइएको छ। नेपाल र बेलायतबीच विशेषगरी गोर्खा सैनिकमार्फत दशकौँदेखि कायम रहेको सैनिक सम्बन्धलाई थप सुदृढ बनाउने विषयमा समेत छलफल भएको बताइएको छ।

भ्रमणका क्रममा प्रधान सेनापति सिग्देलले गोरखा सैनिक स्मारकमा पुष्पगुच्छा अर्पण गरी वीर गोर्खा सैनिकहरूप्रति श्रद्धाञ्जली व्यक्त गरेका थिए। उनले गोर्खा सैनिकहरूले बेलायती सेनामा पुर्‍याएको योगदान तथा बलिदानको सम्मान गरेका थिए।

यसैगरी असोज २१ गते प्रधान सेनापति सिग्देलले बेलायती सेनाको मुख्यालयको भ्रमण गरेका छन्। सो अवसरमा उनले बेलायती सेनाका प्रमुख जनरल सर रोली वाकरसँग भेटवार्ता गरेका थिए।

भेटका क्रममा नेपाल र बेलायतबीचको आपसी हित तथा द्विपक्षीय सैनिक सम्बन्धका विविध पक्षमा छलफल भएको जनाइएको छ। विशेषगरी नेपाली सेना र बेलायती सेनाबीच हुँदै आएको सहकार्य, सैनिक तालिम तथा अनुभव आदानप्रदान र आगामी दिनमा सम्बन्धलाई थप प्रभावकारी बनाउने विषयमा छलफल भएको बताइएको छ।

प्रधान सेनापति सिग्देलको बेलायत भ्रमणले नेपाल र बेलायतबीचको परम्परागत सैनिक सम्बन्धलाई थप मजबुत बनाउनुका साथै दुई देशका सेनाबीचको सहकार्य र पारस्परिक समझदारी विस्तारमा योगदान पुग्ने अपेक्षा गरिएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रहरी कर्मचारीका गुनासा सुन्न केन्द्रीय डेस्क स्थापना

नेपाली सेनाले जनताको सूचनाको हकको सम्मान गर्छः प्रवक्ता श्रेष्ठ

सहायक रथी राजेन्द्र श्रेष्ठले सम्हाले नेपाली सेनाको प्रवक्ताको जिम्मेवारी

दूरसञ्चार सेवा प्रदायकलाई जरिवाना र ब्याज मिनाहाको सुविधा

सहकारी ठगी मुद्दामा नेपाली सहित सात जनालाई कैद र जरिवाना

जब्दीघाटमा नयाँ पुल निर्माणका लागि ठेक्का सम्झौता

कानुनी व्यवस्था मिलाएर पीडितलाई राहत दिन्छौँ: सभामुख अर्याल

दक्षिण सुडानमा नेपाली शान्ति सैनिकको अन्तर्राष्ट्रिय सम्मान, १२६ जनाले पाए यूएन पदक

नेपालको ऋण मुक्तिको सङ्कल्पले महालक्ष्मी विशेष साधना

‘विपदमा संगठनको नेतृत्वदायी भूमिका राज्यको विपद् प्रतिकार्य क्षमताको महत्त्वपूर्ण आधार बनेको छ’ : नेपाली सेना

काठमाडौँ महानगरद्वारा ‘जलवायुका लागि बालबालिका’ शीर्षकमा भिडियो प्रतियोगिता

‘नमस्कार, मेरा चिनियाँ डाक्टर’ वृत्तचित्र प्रदर्शनी