सदाबहार खबरको रफ्तार ....
मंग्सिर ६, २०८३ आइतबार
November 22, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

कांग्रेस महाधिवेशनको मतदान राति १० बजे सकियो, मतपेटिका सिलबन्दी हुँदै

२०८३ असोज २३, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेपाली कांग्रेसको १५औँ महाधिवेशनअन्तर्गत नयाँ केन्द्रीय कार्यसमिति चयनका लागि भएको मतदान शुक्रबार राति १० बजे सकिएको छ। निर्धारित समयभित्र मतदान सम्पन्न हुन नसकेपछि पटक–पटक समय थप गर्दा मतदान प्रक्रिया निर्धारित समयभन्दा करिब सात घण्टा ढिलो सकिएको हो।

निर्वाचन कार्यतालिकाअनुसार बिहानदेखि सुरु भएको मतदान दिउँसो ३ बजेसम्म सञ्चालन गर्ने तय गरिएको थियो। तर, निर्धारित समयमा सबै महाधिवेशन प्रतिनिधिले मतदान गर्न नसक्ने देखिएपछि निर्वाचन समितिले पहिलोपटक दुई घण्टा समय थप्दै मतदानको समय साँझ ५ बजेसम्म पुर्‍याएको थियो।

साँझ ५ बजेसम्म पनि मतदान प्रक्रिया पूरा नभएपछि पुनः समय थप गरी राति ७ बजेसम्म मतदान गर्ने व्यवस्था मिलाइएको थियो। त्यसपछि पनि मतदानस्थलमा लाइनमा रहेका प्रतिनिधिहरूलाई मतदान गर्ने अवसर दिइएको थियो।

निर्वाचन समितिका अनुसार अन्ततः राति १० बजे मतदान प्रक्रिया सम्पन्न भएको हो। मतदान सकिएसँगै अहिले मतपेटिका सिलबन्दी गर्ने काम भइरहेको छ।

यसअघि शुक्रबार राति नै सभापति पदको मतगणना सुरु गर्ने तयारी गरिएको थियो। तर, मतदान प्रक्रिया लम्बिएपछि मतगणना तत्काल सुरु हुने वा नहुने भन्ने विषयमा अन्योल देखिएको थियो।

निर्वाचन समितिका संयोजक वरिष्ठ अधिवक्ता प्रेमबहादुर खड्काले केहीबेरअघि मतदान जारी रहेको जानकारी दिँदै मतगणनाबारे तत्काल निर्णय भइनसकेको बताएका थिए।

मतपेटिका सिलबन्दी गर्ने र आवश्यक प्रक्रिया पूरा गर्ने काम सकिएपछि मतगणना सुरु गर्ने विषयमा निर्वाचन समितिले निर्णय गर्ने अपेक्षा गरिएको छ। नयाँ नेतृत्व चयनका लागि भएको मतदान सम्पन्न भएसँगै अब महाधिवेशन प्रतिनिधिहरूको ध्यान मतगणनातर्फ केन्द्रित भएको छ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

नेपाललाई पुनः हिन्दु राष्ट्र बनाउनुपर्छ : अध्यक्ष लिङ्देन

प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास

युवालाई उद्यमशीलता र रोजगारीमा जोडिन ओलीको आग्रह

वामपन्थी शक्तिबीच एकता अपरिहार्य छः संयोजक दाहाल

कम्युनिष्ट आन्दोलनलाई समयअनुकूल रूपान्तरण गर्नुपर्नेमा जोड

संविधानको व्यवस्था गरेअनुसार आगामी निर्वाचनको मिति सर्वदलीय बैठकले टुङ्ग्याउँछ : संयोजक दाहाल

प्रधानमन्त्रीको भारत भ्रमणमा राष्ट्रिय हितलाई प्राथमिकता दिन कांग्रेसको आग्रह

चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल

मधेशमा सरकार गठन अन्योलमा, समयसीमा थप्न तीन दलको आग्रह

सक्षम स्थानीय तहबाटै सङ्घीयताको अनुभूति हुन्छ : अध्यक्ष ओली

राजेन्द्र लिङ्देनलाई चुनौती दिँदै ज्ञानेन्द्र शाहीले गरे अध्यक्षमा उम्मेदवारी घोषणा

कांग्रेस केन्द्रीय कार्यसमितिको बैठक मङ्गलबार बस्ने