सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

‘टोखाको विकासमा एकताबद्ध भएर अगाडि बढ्छौँ’

२०८३ असोज २५, आइतबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, २५ असोज : धार्मिक, सांस्कृतिक र ऐतिहासिक महत्त्व बोकेको काठमाडौँको उत्तरी क्षेत्र टोखाको विकासमा एकजुट भएर अगाडि बढ्नुपर्नेमा जोड दिइएको छ ।

पूर्वजनप्रतिनिधि फोरमले आज यहाँ आयोजना गरेको ‘चाडपर्वको शुभकामना आदानप्रदान तथा स्मारिका विमोचन’ कार्यक्रममा विभिन्न राजनीतिक दलका नेताहरूले टोखाको विकासमा एकतावद्ध भएर अगाडि बढ्ने बताउनुभयो ।

अर्थविद् डा चन्द्रमणि अधिकारीले स्थानीय तहलाई संविधानले निकै बढी अधिकार र आर्थिक जिम्मेवारी दिएकाले स्थानीय तहको भूमिका महत्त्वपूर्ण रहेको बताउनुभयो । उहाँले स्थानीय जनताका समस्या सुन्ने नजिकको सरकार स्थानीय सरकार भएकाले यसलाई सही ढङ्गले सञ्चालन गर्नुपर्ने उल्लेख गर्नुभयो ।

नेपाली कांग्रेसकी नेत्री एवं बागमती प्रदेशकी सांसद एवम् पूर्वमन्त्री हरिप्रभा खड्गी श्रेष्ठले नागरिकको सुखदुःखमा प्रत्यक्ष जोडिएर सेवा प्रवाह गर्ने, स्थानीय विकास निर्माणमा नेतृत्व लिने र सुशासन कायम गर्ने दिशामा पूर्वजनप्रतिनिधि फोरमले पुर्याएको योगदान प्रशंसनीय रहेको बताउनुभयो ।

टोखा नगरपालिकाका उपप्रमुख मुरारी तामाङले पूर्वजनप्रतिनिधि फोरमले आफ्नो कार्यकालमा गरेका गौरवपूर्ण इतिहासलाई साक्षी राख्दै बदलिँदो परिस्थितिमा जनतालाई राष्ट्रप्रति बफादार बनाउन फोरमले योगदान गर्दै आएको बताउनुभयो ।

राष्ट्रिय स्वतन्त्र पार्टी (रास्वपा) टोखा नगरपालिकाका सभापति सूर्यप्रसाद काफ्लेले टोखाको पहिचानलाई थप स्थापित गर्न, स्थानीय इतिहास र संस्कृतिप्रति नयाँ पुस्तामा चासो बढाउन पूर्व जनप्रतिनिधी फोरमले महत्त्वपूर्ण भूमिका खेल्ने विश्वास व्यक्त गर्नुभयो ।

नेकपा (एमाले) टोखा नगरपालिकाका अध्यक्ष गोपिकृष्ण पाठक, नेपाली कम्युष्टि पार्टी (नेकपा) का नगर संयोजक नविन डङ्गोललगायतले आफ्नो कार्यकालमा गरेका भोगेका अनुभव तथा गौरवपूर्ण इतिहासलाई साक्षी राख्दै नगरवासीलाई राष्ट्रप्रति वफादार एवं राष्ट्रियताको भावना अभिवृद्धि गर्ने क्रममा फोरमको योगदान रहने विश्वास व्यक्त गर्नुभयो ।

फोरमका संस्थापक अध्यक्ष दीपकराज जोशीले टोखाभित्रको धार्मिक, सांस्कृतिक, ऐतिहासिक, शैक्षिक क्षेत्रको विकासमा फोरमले काम गर्दै आइरहेको बताउनुभयो । फोरमका अध्यक्ष उत्तम अधिकारीले स्थानीय तहको विकास, समृद्ध र सामाजिक रूपान्तरणमा फोरमले काम गर्दै आएको बताउनुभयो । टोखाको विकासमा सबै एकतावद्ध हुनुपर्ने उहाँको भनाई थियो । कार्यक्रममा फोरमद्धारा टोखा नगरभित्रका विविध पक्षलाई समेटेर प्रकाशन गरेको स्मारिका विमोचन गरिएको थियो ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

प्रधानमन्त्रीको भारत भ्रमणमा राष्ट्रिय हितलाई प्राथमिकता दिन कांग्रेसको आग्रह

चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल

मधेशमा सरकार गठन अन्योलमा, समयसीमा थप्न तीन दलको आग्रह

सक्षम स्थानीय तहबाटै सङ्घीयताको अनुभूति हुन्छ : अध्यक्ष ओली

राजेन्द्र लिङ्देनलाई चुनौती दिँदै ज्ञानेन्द्र शाहीले गरे अध्यक्षमा उम्मेदवारी घोषणा

कांग्रेस केन्द्रीय कार्यसमितिको बैठक मङ्गलबार बस्ने

एमाले राष्ट्रिय भेलाबाट २१ बुँदे विशेष प्रस्ताव र संकल्प पारित

समाजलाई सबै प्रकारका भ्रमबाट मुक्त गर्नुपर्छः अध्यक्ष ओली

निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी

जनताका समस्या समाधानमा एकता कायम गर्नुपर्ने–बादल

उपाध्यक्ष पौडेलद्वारा एमाले नेतृत्वको सरकारका उपलब्धि प्रस्तुत

रास्वपा प्रतिनिधिमण्डलद्वारा सहकार्यको प्रस्ताव