सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

प्रभावकारी बन्यो ‘इपेन्सन’ सेवा

२०८३ असोज २७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, असोज २७ गते । सल्यान जिल्लाको कोष तथा लेखा नियन्त्रण कार्यालयमा कार्यरत निमित्त प्रमुख कोष नियन्त्रक उदयबहादुर डाँगी २०८३ वैशाख २० गते सेवाबाट अवकाश हुनुभयो । निजामती कर्मचारीका लागि अवकाशपछि पाउने सेवा सुविधा र पेन्सनपट्टा बनाउनका लागि सरकारले सुरु गरेको इपेन्सन प्रणालीबाटै उहाँले पेन्सनपट्टा बनाउनुभयो ।

इपेन्सन प्रणाली कार्यान्वयन हुँदा उहाँले अवकाश भएर घर फर्कंदा सम्बन्धित कार्यालयबाटै एकै दिनमा एक हातमा अवकाशपत्र र अर्को हातमा पेन्सनपट्टा प्राप्त गर्नुभयो । विगतमा यति सहजै अवकाशपछि पेन्सनपट्टा बन्ने गरेको थिएन ।

राष्ट्रिय सतर्कता केन्द्रमा कार्यरत उपसचिव हिरामणि सुवेदीले पनि अवकाश हुँदा राष्ट्रिय किताबखानामा नगई इपेन्सन प्रणालीबाटै पेन्सनपट्टा बनाउनुभयो । उहाँले भन्नुभयो, “किताबखाना नगए इपेन्सन प्रणालीमार्फत आवकाशपछिको सेवा सुविधा प्राप्त गरेसँगै भौगोलिक रूपमा विकट मानिएका जिल्लामा कार्यरत कर्मचारीका लागि समय, श्रम र आर्थिक लागतबिना नै सहज काम भएको छ । यो प्रणालीले अवकाश भएका हरेक कर्मचारीलाई ठुलो राहत पुगेको छ ।”

“इपेन्सन प्रणाली कार्यान्वयन भएसँगै जिल्लास्थित कोष तथा लेखा नियन्त्रण कार्यालयबाटै सबै काम हुन्छ । यसलाई बानी बसाल्न मात्र केही समय लाग्छ । यसको प्रभावकारिता बढ्दो छ,” डाँगीले भन्नुभयो ।

राष्ट्रिय किताबखानाले सुरु गरेको इपेन्सन प्रणाली कार्यान्वयनमा आएसँगै अहिले डाँगी र सुवेदी जस्तै अवकाश प्राप्त सबै कर्मचारी एक दिनमा घरैमा बसेर वा आफ्नै कार्यालयबाट एउटा हातमा अवकाशपत्र अर्को हातमा पेन्सनपट्टा प्राप्त गर्ने गरेका छन् । गत २०८२ चैत ८ गतेदेखि सञ्चालनमा ल्याइएको इपेन्सन प्रणालीले सेवाग्राहीलाई घरैमा बसेर पेन्सनपट्टा बनाउन सकिने भएको राष्ट्रिय किताबखानाले जनाएको छ । किताबखानाका अनुसार वार्षिक रूपमा अहिले करिब दुई हजार दुई सय जना कर्मचारी अवकाश हुने गरेका छन् ।

राष्ट्रिय किताबखानाका महानिर्देशक आरती न्यौपानेले किताबखानाले सुरु गरेको इपेसन्न प्रणालीले विगतमा दूरदराजका कार्यालयबाट काठमाडौँ आएर पेन्सनपट्टा बनाउनुपर्ने अवस्थाको अहिले अन्त्य भएको बताउनुभयो । इपेन्सन प्रणाली कार्यान्वयन हुँदा सेवा कर्मचारीमैत्री, सहज र प्रभावकारी बनेको छ । अवकाश भएका कर्मचारीका पेन्सनपट्टा बनाउनकै लागि खर्च हुने आर्थिक दायित्व बचाएको छ ।

न्यौपानेले भन्नुभयो, “कर्मचारीको निवृत्तिभरण, उपदान, सञ्चित बिदा तथा औषधी उपचारबापतको रकम निकासा र कर्मचारीको वैयक्तिक विवरण (सिटरोल) सम्बन्धी सेवाहरू २०८३ कात्तिक १ गतेदेखि अनिवार्य रूपमा अनलाइन प्रणालीबाट सञ्चालन गरिने छ ।”

यो प्रणाली कार्यान्वयनमा आएसँगै सरकारी कर्मचारीको अभिलेख तथा अवकाशपछिका सुविधासम्बन्धी प्रक्रिया विद्युतीय बनाउँदा कागजी प्रक्रिया घट्ने, सेवा प्रवाह सहज हुने र कर्मचारीले निवृत्तिभरणलगायतका कामका लागि भोग्नुपर्ने झन्झट अन्त्य हुने अपेक्षा किताबखाानाको छ । किताबखानामा पेन्सनपट्टा बनाउनका लागि आगामी दिनमा भौतिक रूपमा उपस्थित हुने व्यक्तिलाई भन्दा पनि अनलाइन प्रणालीमा प्राप्त निवेदनलाई प्राथमिकता दिने जनाइएको छ ।

कार्यालयले विवरण पठाउनुपर्ने

विद्युतीय निवृत्तिभरण प्रणाली प्रयोग गर्न सम्बन्धित कार्यालयले अनलाइन प्रणालीमार्फत आवेदन दिनुपर्ने छ । प्रणाली सञ्चालनका लागि आवश्यक प्रयोगकर्ता विवरण प्राप्त गर्न कार्यालयले कर्मचारी सङ्केत नम्बर, नाम, पद, इमेल ठेगाना र फोन नम्बरलगायत विवरण समेटिएको आधिकारिक पत्र राष्ट्रिय किताबखानामा पठाउनुपर्ने व्यवस्था गरिएको छ ।

किताबखानाका निर्देशक सुधन ख्वाखली श्रेष्ठले सरकारी कर्मचारीको अभिलेख तथा अवकाशपछिका सुविधासम्बन्धी प्रक्रिया विद्युतीय बनाउँदा कागजी प्रक्रिया घट्ने, सेवा प्रवाह सहज हुने र कर्मचारीले निवृत्तिभरणलगायत कामका लागि भोग्नुपर्ने झन्झटको अन्त्य हुँदै गएको बताउनुभयो । पेन्सनपट्टा बनाउनका लागि सम्बन्धित कार्यालयले अनलाइनबाटै सबै विवरण किताबखानामा पठाउनुपर्ने छ ।

किताबखानाले तोकेको प्रक्रिया पूरा भएपछि सम्बन्धित कार्यालयले विद्युतीय प्रणालीमार्फत निवृत्तिभरणसम्बन्धी काम अघि बढाउन सक्ने किताबखानाले जनाएको छ । किताबखानाले निजामती कर्मचारीको सिटरोल र निवृत्तिभरणसम्बन्धी सेवा पूर्ण रूपमा विद्युतीय प्रणालीमार्फत सञ्चालन गर्दै आएको छ । किताबखानाले कर्मचारीलाई विभागको वेबसाइटमा गई आफ्नो व्यक्तिगत विवरण अद्यावधिक गर्न आग्रहसमेत गरेको छ ।गोरखापत्र दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै

दानबहादुरको मुद्दालाई अग्राधिकार

स्थानीय निर्वाचनसम्बन्धी एमालेको १३ बुँदे कार्ययोजना

बैंकमा पैसा थुप्रियो, मुद्दती निक्षेप घट्यो

शिक्षकको क्षमता विस्तार पढाउन जानुअघि तीन महिनाको तालिम अनिवार्य

कर तिर्नेलाई सम्मान, लगानीकर्तालाई अन्योल