सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

दसैँमा घर फर्कनेको चाप

२०८३ असोज ३०, शुक्रबार
शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, असोज ३० गते । दसैँको टीका नजिकिएसँगै काठमाडौँ उपत्यकाबाट जिल्ला जाने यात्रुको चाप बढेको छ । घटस्थापनादेखि बिहीबारसम्म तीन लाख यात्रु दसैँका लागि बाहिरिएको काठमाडौँ उपत्यका ट्राफिक प्रहरी कार्यालयले जनाएको छ ।

विशेष गरी सार्वजनिक सवारीमा यात्रुको चाप बढेको व्यवसायीले बताएका छन् । अध्ययन, रोजगारी तथा विभिन्न पेसा व्यवसाय गरी काठमाडौँमा बसोबास गर्दै आएका परिवारको ठुलो सङ्ख्या दसैँ मनाउन जिल्ला फर्किएका छन् । नयाँ बसपार्कबाट विभिन्न जिल्ला जाने लामो तथा छोटो दुरीका सार्वजनिक सवारीको चहलपहल ह्वात्तै बढेको छ ।

अन्य समयमा दैनिक करिब दुई सय सार्वजनिक बस नयाँ बसपार्कबाट उपत्यका बाहिर जाने र आउने हुन्थ्यो तर दसैँ लागेसँगै बसको सङ्ख्या दैनिक ४५० पुगेको नयाँ बसपार्क सञ्चालन तथा व्यवस्थापन गर्दै आएको लोत्से बहुउद्देश्यीय प्रालिका महाप्रबन्धक पङ्कज मल्लले बताउनुभयो । उहाँले भन्नुभयो, “यात्रुको चाप बढेको छ । टिकट पाइरहेका छन् । गाडी नपाउने समस्या छैन । कात्तिक १ गतेपछिको अग्रिम बुकिङ त्यति धेरै छैन ।”

काठमाडौँ उपत्यका ट्राफिक प्रहरी कार्यालयले पनि काठमाडौँ उपत्यकाबाट बाहिरिने नाकामा यात्रु र सवारीको चाप बढेको जनाएको छ । नागढुङ्गा, भक्तपुरको जगाती, माछापोखरी, बल्खुलगायतका नाकामा सवारी चाप बढेको छ । ट्राफिक प्रहरी कार्यालयका प्रहरी उपरीक्षक नरेशराज सुवेदीले अष्टमीका दिनसम्म यात्रुको चाप दोब्बरले बढ्ने बताउनुभयो । गोङ्गबु बसपार्कबाट दैनिक २५० माइक्रो बस बाहिरिएका छन् । यो सङ्ख्या सामान्य दिनको तुलनामा दोब्बर हो । नेपाल यातायात व्यवसायी राष्ट्रिय महासङ्घले आधिकारिक काउन्टरबाट मात्र टिकट काटेर यात्रा गर्न आग्रह गरेको छ । दसैँका अवसरमा सवारी र यात्रुको चाप बढ्ने हुँदा ठगी तथा कालोबजारी हुने सम्भावना भएकाले सुरक्षित यात्राका लागि टिकट अनिवार्य लिन आग्रह गरिएको महासङ्घका महासचिव डेकनाथ गौतमले बताउनुभयो ।

राजमार्गका कारण यातायात व्यवस्थापनमा समस्या भएको बताएको महासङ्घले जनाएको छ । बर्सातले भत्किएका राजमार्ग र ट्राफिक जामका कारणले सवारी तोकिएको समयमा गन्तव्यमा पुग्न नसक्दा काटिएका अग्रिम टिकट अनुसार समयमै बस सञ्चालन गर्न कठिनाइ भइरहेको महासचिव गौतमको भनाइ छ ।गोरखापत्र दैनिकबाट

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मलेसिया जाने श्रमिकसँग यसरी असुलियो दुई अर्ब

प्रधानमन्त्रीको भारत भ्रमण सफल बनाउन अन्तिम गृहकार्य

आरोहण प्रभावित हुँदा राजस्वबारे अन्योल

विकेन्द्रीकरण विस्तारको तयारीमा त्रिवि

एमालेको विशेष संकल्प : लोकतन्त्रको पुनर्बहालीदेखि पार्टी शुद्धीकरणसम्म

एमबीबीएसमा १० हजार ३२१ उत्तीर्ण, दुई हजार ७४५ सिटका लागि प्रतिस्पर्धा

ट्रम्प, सी र पुटिनबिच आज शिखर वार्ता हुँदै

दानबहादुरको मुद्दालाई अग्राधिकार

स्थानीय निर्वाचनसम्बन्धी एमालेको १३ बुँदे कार्ययोजना

बैंकमा पैसा थुप्रियो, मुद्दती निक्षेप घट्यो

शिक्षकको क्षमता विस्तार पढाउन जानुअघि तीन महिनाको तालिम अनिवार्य

कर तिर्नेलाई सम्मान, लगानीकर्तालाई अन्योल