काठमाडौं । सरकारले हालै जारी गरेका वन तथा भूमि सम्बन्धी दुई अध्यादेशबारे प्रमुख प्रतिपक्षी दल नेपाली कांग्रेस संसदीय दलले पत्रकार सम्मेलन गर्ने भएको छ।
कांग्रेस संसदीय दलले वन सम्बन्धी केही नेपाल ऐनलाई संशोधन गर्ने अध्यादेश र भूमि सम्बन्धी केही नेपाल ऐन संशोधन गर्ने अध्यादेश, २०८३ का विषयमा आफ्नो धारणा सार्वजनिक गर्न पत्रकार सम्मेलन आयोजना गर्न लागेको हो।
निर्धारित कार्यक्रमअनुसार पत्रकार सम्मेलन शुक्रबार बिहान ११ बजे सिंहदरबारस्थित नेपाली कांग्रेस संसदीय दलको कार्यालयमा हुनेछ।
सरकारले जारी गरेका दुवै अध्यादेशका प्रावधान, तिनको प्रभाव तथा सम्बन्धित विषयमा कांग्रेस संसदीय दलले पत्रकार सम्मेलनमार्फत आफ्नो धारणा सार्वजनिक गर्ने अपेक्षा गरिएको छ।
