काठमाडौं । गत वर्ष भदौमा भएको जेनजी आन्दोलनका क्रममा जेलबाट फरार भएका एक कैदीलाई प्रहरीले पक्राउ गरेको छ ।
जबरजस्ती करणी मुद्दामा नख्खु कारागारमा कैद भुक्तान गरिरहेको अवस्थामा फरार भएका राजसुन्दर तामाङलाई प्रहरीले काठमाडौंको सुन्दरीजलबाट पक्राउ गरेको हो ।
काभ्रेपलाञ्चोक जिल्लाको मण्डनदेउपुर गाउँपालिका–१ घर भई हाल गोकर्णेश्वर नगरपालिका–२ सुन्दरीजल बस्ने ३० वर्षीय तामाङ पक्राउ परेका हुन्।
हिजो पक्राउ परेका तामाङलाई बाँकी कैद भुक्तानका लागि पुनः नख्खु कारागार पठाइएको जिल्ला प्रहरी परिसर काठमाडौंले जनाएको छ ।
