सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

राष्ट्रिय खेलकुदका लागि गण्डकीका स्थानीय तहदेखि नै खेलाडी छनोट गरिँदै

२०८३ कार्तिक २, सोमबार
शेयर गर्नुहोस:
फन्ट परिवर्तन गर्नुहोस: अ अ अ

कास्की, २ कात्तिक : दशौँ राष्ट्रिय खेलकुद प्रतियोगितामा गण्डकी प्रदेशमा खेलाडी छनोट प्रक्रिया अघि बढाइएको छ । प्रतियोगिता नजिकिँदै गर्दा प्रदेश खेलकुद परिषद् गण्डकीले स्थानीय तहदेखि प्रदेशस्तरसम्म छनोटको कार्यतालिका तय गरी तयारी थालेको हो ।

कर्णाली प्रदेशमा आगामी मङ्सिर १६ देखि २७ गतेसम्म सञ्चालन हुने प्रतियोगिताका लागि परिषद्ले प्रदेशका ११ वटै जिल्ला खेलकुद विकास समितिलाई पत्राचार गर्दै खेलाडी छनोट प्रक्रिया निर्धारित समयभित्र सम्पन्न गर्न निर्देशन दिएको छ ।

परिषद्का अनुसार स्थानीय तहस्तरीय छनोट प्रतियोगिता कात्तिक १० गतेभित्र, जिल्लास्तरीय छनोट कात्तिक १३ देखि १५ गतेसम्म र प्रदेशस्तरीय छनोट कात्तिक १६ देखि २० गतेसम्म सम्पन्न गरिनेछ । प्रदेशस्तरीय छनोटबाट राष्ट्रिय प्रतियोगितामा सहभागी हुने खेलाडी तथा टोलीको टुङ्गो लाग्नेछ ।

परिषद्का सदस्य सचिव श्रीधर शर्माले स्थानीय तहबाट छनोट भएका खेलाडीलाई जिल्लास्तरीय प्रतियोगितामा सहभागी गराइने र जिल्लाबाट छनोट भएकालाई प्रदेशस्तरीय प्रतियोगितामा प्रतिस्पर्धा गराइने बताउनुभयो । “प्रदेशस्तरीय छनोटपछि राष्ट्रिय खेलकुदमा सहभागी हुने खेलाडी तथा टोली निर्धारण गरिने छ”, सदस्य सचिव शर्माले भन्नुभयो ।

यसपटकको राष्ट्रिय खेलकुदमा ३२ खेल समावेश गरिएका छन् । प्रतियोगितामा प्रदेशको प्रतिस्पर्धात्मक उपस्थिति बलियो बनाउन खेलाडी छनोटलाई व्यवस्थित र मापदण्डमा आधारित बनाउन परिषद्ले सम्बन्धित जिल्ला खेलकुद विकास समिति, स्थानीय तह तथा सरोकारवालाबीच समन्वय गर्न आग्रह गरेको छ ।

खेलाडी छनोट र प्रदेशको टोली निर्माणका लागि आवश्यक बजेट व्यवस्थापन गर्न सामाजिक विकास, युवा तथा खेलकुद मन्त्रालयसँग अनुरोध गरिएको परिषद्ले जनाएको छ । प्रतियोगिताको तयारी र बन्द प्रशिक्षण सञ्चालनका लागि प्रदेश सरकारसँग रु नौ करोड ६८ लाख बजेट माग गरिएको उहाँले जानकारी दिनुभयो ।

“राष्ट्रिय खेलकुदका लागि तयारीका लागि आवश्यक स्रोत उपलव्ध गराउन प्रदेश सरकारसँग बजेट माग गरेका छौँ । निर्णय भइसकेको छैन । खेलाडीलाई प्रोत्साहन गर्न नगद पुरस्कारसँगै अध्ययन छात्रवृत्ति, दुर्घटना बिमा, मासिक निर्वाह भत्तालगायका लागि प्रस्ताव पठाएका छौँ”, सदस्य सचिव शर्माले भन्नुभयो ।

गण्डकीले पोखरामा विसं २०७९ असोज २८ देखि कात्तिक ३ गतेसम्म आयोजित नवौँ राष्ट्रिय खेलकुद प्रतियोगितामा प्रदेश प्रदेशहरूमध्ये पहिलो भएको थियो । घरेलु मैदानमा प्राप्त सफलतापछि यसपटक कर्णालीमा हुने प्रतियोगितामा पनि आफ्नो साख जोगाउने चुनौती गण्डकीसामु छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

कास्कीले जित्यो गण्डकी ‘पीएम कप महिला’ क्रिकेटको उपाधि

‘किङ्ज कप’ राष्ट्रिय प्रतियोगिताको तयारी पूरा

सुदूरपश्चिमलाई ६ विकेटले पराजित गर्दै लुम्बिनी एनपिएलको फाइनलमा