सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

तनावबीच उत्तर कोरियाद्वारा १० क्षेप्यास्त्र प्रहार

२०८३ कार्तिक १२, बिहिबार
शेयर गर्नुहोस:
फन्ट परिवर्तन गर्नुहोस: अ अ अ

सियोल, १२ कात्तिक (रासस/एपी) : दक्षिण कोरियासँग तनाव बढिरहेका बेला उत्तर कोरियाले बिहीबार समुद्रतर्फ करिब १० वटा छोटो दूरीका ब्यालेस्टिक क्षेप्यास्त्र प्रहार गरेको छ । सीमा क्षेत्रमा प्रचार प्रसारण पुनः सुरु गर्ने र नयाँ हतियार तैनाथ गर्ने चेतावनी दिएको केही दिनपछि यो प्रक्षेपण भएको हो ।

दक्षिण कोरियाली सेनाले पूर्वी तटीय सहर वोनसनबाट प्रक्षेपण गरिएका क्षेप्यास्त्र पत्ता लगाएको जनाएको छ । सेनाले निगरानी बढाउनुका साथै अमेरिका र जापानसँग सूचना आदानप्रदान गरिरहेको छ ।

गत महिना बारुदी सुरुङ विस्फोटमा दक्षिण कोरियाका तीन सैनिक घाइते भएपछि दुई कोरियाबीच तनाव थप चुलिएको छ । सियोलले सेप्टेम्बर २१ को विस्फोटका लागि उत्तर कोरियालाई दोष दिएको छ । तर, प्योङयाङले आफ्नो संलग्नता अस्वीकार गर्दै उक्साइएमा प्रतिकार गर्ने चेतावनी दिएको छ ।

गत साता उत्तर कोरियाले दक्षिण कोरियाली सैनिकले सीमामा बारम्बार चेतावनी गोली चलाएको आरोप लगाउँदै प्रचार प्रसारण पुनः सुरु गर्ने र नयाँ हतियार तैनाथ गर्ने बताएको थियो । दक्षिण कोरियाले सम्भावित सैन्य झडप रोक्न सीमाबारे वार्ता गर्न प्रस्ताव गरे पनि उत्तर कोरियाले जवाफ दिएको छैन ।

पछिल्ला सातामा उत्तर कोरियाले पनडुब्बीबाट प्रक्षेपण गरिने क्रुज क्षेप्यास्त्र र हाइपरसोनिक क्षेप्यास्त्रसहित विभिन्न हतियार परीक्षण गरेको छ । अमेरिकी राष्ट्रपति डोनाल्ड ट्रम्पले नेता किम जोङ उनसँग कूटनीतिक संवाद पुनः सुरु गर्ने इच्छा व्यक्त गरेपछि उत्तर कोरियाले अमेरिकाबाट ठूला सहुलियत लिन दबाब सिर्जना गर्न खोजेको विज्ञहरूको भनाइ छ ।

यसैबीच, किमले शनिबार चीनको सीमावर्ती सहर डान्दोङको भ्रमण गर्नुभएको थियो । सन् २०११ को अन्त्यमा सत्तामा आएपछि उहाँको यो छैटौँ चीन भ्रमण हो । कोरियाली युद्धमा चीनले उत्तर कोरियालाई दिएको समर्थनको स्मरण गर्दै उहाँले चीनसँगको ‘अजेय’ मित्रतालाई अघि बढाउने बताउनुभयो । चिनियाँ कम्युनिस्ट पार्टीका वरिष्ठ अधिकारी वाङ हुनिङसँगको भेटमा पनि उहाँले द्विपक्षीय सहकार्य विस्तार गर्ने प्रतिबद्धता दोहोर्‍याउनुभयो ।

युक्रेनविरुद्धको युद्धमा रुसलाई सैनिक र गोला बारुद उपलब्ध गराउँदै आएको उत्तर कोरियाले पछिल्ला वर्षमा मस्कोसँगको सम्बन्धलाई प्राथमिकता दिएको थियो । अहिले भने किमले चीनसँगको सम्बन्ध पनि सुदृढ बनाउन पहल गरिरहनुभएको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत

हरेदी दलसँग गठबन्धन बन्ने लिबरम्यानको विश्वास

आर्थिक आत्मनिर्भरता र पारिवारिक जीवन सुरु गर्न युवालाई चुनौती बढ्दै : राष्ट्रसङ्घीय प्रतिवेदन

रोहिङ्ग्याको न्यायको आशा, घर फर्कने प्रतीक्षा

जीवाश्म इन्धनमा विवादले जलवायु वार्ता अन्योलमा

मुद्रास्फीति बढेपछि श्रीलङ्काले ब्याजदर बढायो

इरानको चेतावनी : सर्त मान, नत्र युद्धको सामना गर