सदाबहार खबरको रफ्तार ....
मंग्सिर ५, २०८३ शनिबार
November 21, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

केशम टापुमा अमेरिकी आक्रमण

२०८३ कार्तिक १७, मंगलबार
शेयर गर्नुहोस:
फन्ट परिवर्तन गर्नुहोस: अ अ अ

वासिङ्टन, १७ कात्तिक (रासस/एएफपी) : इरानसँग आठ महिनादेखि जारी द्वन्द्व अन्त्य गर्न वार्तामा प्रगति भइरहेको सङ्केत अमेरिकाका राष्ट्रपति डोनाल्ड ट्रम्पले दिइरहेका बेला अमेरिकाले सोमबार इरानको केशम टापुमा आक्रमण गरेको वाल स्ट्रिट जर्नलले जनाएको छ ।

जर्नलले नाम नखुलाइएका अमेरिकी अधिकारीहरूलाई उद्धृत गर्दै हर्मुज जलघाँटीको सबैभन्दा ठूलो टापु केशममा गरिएको आक्रमण पछिल्ला साताहरूमा अमेरिकाले इरानविरुद्ध गोप्य रूपमा गर्दै आएका सीमित आक्रमणको शृङ्खलामध्येको पछिल्लो घटना भएको उल्लेख गरेको छ ।

इरानको सरकारी समाचार संस्था इरनाका अनुसार टापुमा छोटो समयभित्र पाँचवटा विस्फोटको आवाज सुनिएको थियो । केही स्थानीय बासिन्दाले आकाशमा दुईवटा विमान उडिरहेको देखेको पनि बताएका थिए ।

रिपोर्ट गरिएको आक्रमणबारे अमेरिकी रक्षा मन्त्रालय पेन्टागनले अमेरिकी सेन्ट्रल कमान्डसँग प्रश्न पठाएको थियो । तर, सोमबार अबेरसम्म सेन्ट्रल कमान्डले एएफपीको टिप्पणीका लागि गरिएको अनुरोधको तत्काल जवाफ दिएको थिएन ।

वाल स्ट्रिट जर्नलका अनुसार अमेरिका केही सातादेखि इरानविरुद्ध सीमित स्तरका आक्रमणमा संलग्न रहँदै आएको छ । केही अमेरिकी अधिकारीले ती आक्रमणलाई रक्षात्मक प्रकृतिको बताएका छन् । उनीहरूका अनुसार यसको उद्देश्य इरानलाई हर्मुज जलघाँटीमा व्यापारिक जहाजमाथि आक्रमण गर्ने स्वतन्त्रता प्राप्त गर्नबाट रोक्नु हो ।

हर्मुज जलघाँटी तेल ढुवानीको प्रमुख मार्ग हो। फेब्रुअरीको अन्त्यमा युद्ध सुरु भएदेखि यस मार्गमा अवरोध उत्पन्न भएको छ । जर्नलले अमेरिकाले आक्रमणबारे सार्वजनिक रूपमा घोषणा नगरेको उल्लेख गर्दै यसबाट प्रमुख सैन्य कारबाही पुनः सुरु गर्ने मनसाय रहेको सङ्केत नदिएको जनाएको छ ।

यसैबीच, अमेरिकामा मध्यावधि निर्वाचन हुनुभन्दा एक दिनअघि सोमबार राष्ट्रपति ट्रम्पले इरानसँग सम्झौता हुन सक्ने बताउनुभएको थियो । द्वन्द्व अन्त्य हुने सम्भावनाबारे उहाँले सकारात्मक सङ्केत दिनुभए पनि केशम टापुमा भएको आक्रमणले क्षेत्रीय तनावको अवस्थालाई पुनः चर्चामा ल्याएको छ ।

इरानले हर्मुज जलघाँटीको ऊर्जा आपूर्ति मार्गमा अवरोध गरेपछि तीव्र रूपमा बढेको तेलको मूल्य सोमबार भने द्वन्द्व अन्त्य हुन सक्ने आशासँगै सात प्रतिशतभन्दा बढीले घटेको समाचारमा उल्लेख छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

युरेनियम विवादले इरान–अमेरिका वार्ता ठप्प

जीवाश्म इन्धनमा विवादले जलवायु वार्ता लम्बियो

भारतमा दूषित मदिरा सेवनबाट ११ जनाको मृत्यु

हर्मुजमा पौडी खेलेर युद्धको असर उजागर

फिलिपिन्समा विमानको आपत्कालीन अवतरण, सबै सुरक्षित

इरानमाथि थप सैन्य कारबाही रोक्ने प्रस्ताव अमेरिकी सिनेटबाट अस्वीकृत

हरेदी दलसँग गठबन्धन बन्ने लिबरम्यानको विश्वास

आर्थिक आत्मनिर्भरता र पारिवारिक जीवन सुरु गर्न युवालाई चुनौती बढ्दै : राष्ट्रसङ्घीय प्रतिवेदन

रोहिङ्ग्याको न्यायको आशा, घर फर्कने प्रतीक्षा

जीवाश्म इन्धनमा विवादले जलवायु वार्ता अन्योलमा

मुद्रास्फीति बढेपछि श्रीलङ्काले ब्याजदर बढायो

इरानको चेतावनी : सर्त मान, नत्र युद्धको सामना गर