सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

चौथो वौद्ध कपको उपाधि एभरग्रिनलाई

२०८३ कार्तिक २२, आइतबार
शेयर गर्नुहोस:
फन्ट परिवर्तन गर्नुहोस: अ अ अ

म्याग्दी, २२ कात्तिक : बेनीमा आइतबार सम्पन्न रु दुई लाख भन्दा बढी पुरस्कार राशिको चौथो वौद्ध कप खुला फुटबल प्रतियोगिताको उपाधि एभरग्रिन युवा क्लबले जितेको छ ।

बेनी नगरपालिका–७ मङ्गलाघाटमा रहेको बौद्ध युवा क्लबले आयोजना गरेको प्रतियोगिताको फाइनलमा मालिका गाउँपालिका–६ दुखुको मितेरी युवा क्लबलाई शून्यका विरुद्ध तीन गोल गर्दै एभरग्रिन बिजयी भएको हो ।

मनसुन युवा क्लबलाई शून्यका विरुद्ध तीन गोल गर्दै मालिका गाउँपालिका–६ दरवाङको पश्चिम म्याग्दी युवा क्लब तेस्रो भएको आयोजक वौद्ध युवा क्लबका सचिव श्यामशुन्दर कँडेलले जानकारी दिनुभयो ।

पाँच दिनसम्म सञ्चालन भएको प्रतियोगितामा विजेताले ट्रफी, मेडल र प्रमाणपत्रसहित नगद रु दुई लाख २२ हजार २२२, उपविजेताले रु एक लाख ११ हजार १११ र तेस्रोले रु ५५ हजार ५५५ नगद पुरस्कार प्राप्त गरेका छन् ।

अनुशासित घोषणा भएको बरबुटा युवा क्लब खबराले रु २२ हजार २२२ प्राप्त गरेको छ । एभरग्रिनका रोशन छन्त्यालले रु सात हजार ७७७ नगदसहित उत्कृष्ट खेलाडीको उपाधि पाएका छन् ।

उत्कृष्ट डिफेन्डर मतेरीका सन्दिप गुरुङ र नौ गोल गरेका पश्चिम म्याग्दीका विपुल कार्की सर्वाधिक गोलकर्ताको उपाधिसहित नगद रु सात हजार ७७७ नगद पुरस्कार प्राप्त गरेका छन् । गोलरक्षकमा एभरग्रिनका आसिस केसी, फरवार्डमा अमृत तामाङ र मिडफिल्डरमा निराजन खत्री उत्कृष्ट भए । उनीहरुले मेडल, ट्रफी र प्रमाणपत्रसहित नगद रु सात हजार ७७७ का दरले पुरस्कार प्राप्त गरे ।

गण्डकी प्रदेशसभा सदस्य हरिबहादुर भण्डारी, क्लबका अध्यक्ष दुर्गा बुढामगर, म्याग्दी उद्योग वाणिज्य सङ्घका अध्यक्ष सुविन श्रेष्ठ लगायतले पुरस्कार वितरण गर्नुभएको थियो । दसैँ–तिहार पर्वको अवसरमा कात्तिक १८ गतेदेखि सुरु भएको प्रतियोगितामा १८ टिम सहभागी भएका थिए ।

प्रतियोगिता अवलोकनका लागि प्रतिव्यक्ति रु ५० का दरले सङ्कलन गरिएको प्रवेश शुल्कबाट ४० प्रतिशत असोजको दोस्रो साता आएको बाढीपहिरोबाट प्रभावितलाई राहत स्वरूप हस्तान्तरण गरिने क्लबका अध्यक्ष बुढामगरले जानकारी बताउनुभयो । उहाँका अनुसार प्रतियोगिता सञ्चालनबाट बचत भएको रकम क्लबको कार्यालय भवन निर्माण तथा कोष स्थापनामा खर्च गर्ने लक्ष्य रहेको छ ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

दशौँ राष्ट्रिय खेलकुदका चार खेल लुम्बिनीमा, प्रतियोगिता कुर्दै बाँके र बर्दिया

एनपिएल : चितवनलाई ३  विकेटले हराउँदै सुदूरपश्चिम रोयल्स फाइनलमा

एन्फामाथिको निलम्बन र प्रतिबन्ध फुकुवा

दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने

तीन वर्षपछि भारतमा हुँदै आइपिएलको खेलाडी अक्सन

आइपिएल २०२७ को अक्सन डिसेम्बर १६ मा गोवामा हुने

डेफ फुटबल च्याम्पियनसिप खेल्न नेपाली टोली दक्षिण कोरिया प्रस्थान

पाकिस्तानमाथि २–१ को जितसँगै भारतलाई साफको १०औँ उपाधि

चितवन राइनोज एनपिएलको क्वालिफायरमा, काठमाण्डु गोर्खाज बाहिरियो

कास्कीले जित्यो गण्डकी ‘पीएम कप महिला’ क्रिकेटको उपाधि

‘किङ्ज कप’ राष्ट्रिय प्रतियोगिताको तयारी पूरा

सुदूरपश्चिमलाई ६ विकेटले पराजित गर्दै लुम्बिनी एनपिएलको फाइनलमा