सदाबहार खबरको रफ्तार ....
मंग्सिर ४, २०८३ शुक्रबार
November 20, 2026
होमपेज
राजनीति बिचार अन्तरबार्ता स्वास्थ्य शिक्षा अर्थ/बजार खेलकुद अन्तराष्ट्रिय ☰

नेपाली संस्कृति कमजोर हुँदै गएकोमा ओलीको चिन्ता, मौलिक परम्परा जोगाउन आग्रह

२०८३ कार्तिक २३, सोमबार
शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । नेकपा एमालेका अध्यक्ष केपी शर्मा ओलीले नेपाली संस्कृति र मौलिक चाडपर्वमाथि हमला भइरहेको भन्दै यसको संरक्षणमा सचेत हुन सबै नेपालीलाई आग्रह गरेका छन् ।

तिहार तथा छठ पर्वको उपलक्ष्यमा आयोजित शुभकामना आदानप्रदान तथा चियापान कार्यक्रममा बोल्दै अध्यक्ष ओलीले समाज संविधान र कानुनले मात्र नभई नैतिकता, इमानदारी, सामाजिक मूल्य–मान्यता र विश्वासले चल्ने बताए ।

उनले समाजलाई एकताबद्ध बनाएर शान्तिपूर्ण रूपमा अघि बढाउन सामाजिक मूल्य, मान्यता र विश्वासको महत्त्वपूर्ण भूमिका रहने उल्लेख गरे ।

‘समाज संविधानले भन्दा, कानुनले भन्दा, जेलनेलले भन्दा नैतिकताले चल्छ, इमानले चल्छ, समाजका प्रबन्ध र सामाजिक मूल्य–मान्यताले चल्छ,’ उनले भने ।

अध्यक्ष ओलीले नेपाली संस्कृति कमजोर हुँदै गएको भन्दै यसप्रति सबै सचेत हुनुपर्नेमा जोड दिए । साना देखिने सांस्कृतिक गतिविधिभित्र पनि समाज र सभ्यताका महत्त्वपूर्ण पक्ष लुकेको उनले बताए ।

मानिस सामाजिक प्राणी भएकाले समाज निर्माण र सञ्चालनका लागि विभिन्न नीति, नियम, परम्परा, चाडपर्व, बाजागाजा, नृत्य, संगीत र खानाका परिकारको विकास गरेको उनले बताए ।

उनले हरेक चाडपर्वका आफ्नै विशेषता, परिकार, गीत र नृत्य हुने उल्लेख गर्दै खेतीपाती सुरु गर्ने समयदेखि बाली भित्र्याउने समयसम्मका विभिन्न अवसरलाई नेपाली समाजले चाडपर्वका रूपमा मनाउँदै आएको बताए ।

जन्म, विवाह, मृत्यु, सुख–दुःख तथा अप्ठ्यारा परिस्थितिमा समेत नेपाली समाज सामूहिक रूपमा सहभागी हुने परम्पराले संस्कृति र सभ्यता निर्माण गरेको उनले उल्लेख गरे ।

‘यी कुराहरूको असाधारण महत्त्व छ र हामीले यस्ता कुराहरूलाई निरन्तरता दिनुपर्छ । उल्लास र उत्साहका साथ मनाउँदै जानुपर्छ,’ उनले भने ।

अध्यक्ष ओलीले नेपाली मौलिक बाजागाजा र नृत्यको स्थान अन्य संस्कृतिका बाजा तथा नृत्यले लिन थालेको भन्दै चिन्ता व्यक्त गरे । अन्य देशका बाजागाजा र संगीत सिक्न तथा प्रयोग गर्न सकिने भए पनि आफ्ना मौलिक कला र संस्कृतिलाई विस्थापित गर्न नहुने उनले ।

उनले नेपाली नृत्यमा शारीरिक गतिविधि मात्र नभई हाउभाउ, आँखाको संकेत र खुट्टाको चालमार्फत भावसमेत अभिव्यक्त हुने विशेषता रहेको बताए ।

‘हाम्रा नृत्यहरूमा हाउभाउ छ । आँखाले यसो हेर्दा पनि संकेत हुन्छ, खुट्टाका चालहरूमा पनि भाव हुन्छ । हाम्रो कलामा कला मात्रै होइन, भाव पनि मिसिएको छ,’ उनले भने ।

नेपाली मौलिक बाजागाजा, ताल, गीतसंगीत र नृत्यको विशिष्टता रहेको उल्लेख गर्दै अध्यक्ष ओलीले यस्ता सांस्कृतिक सम्पदाको संरक्षण र पुस्तान्तरणमा ध्यान दिनुपर्ने बताए ।

यो खबर पढेर तपाईलाई कस्तो महसुस भयो ?

तपाइको प्रतिक्रिया राख्नुहोस्

सम्बन्धित समाचार

मधेशमा सरकार गठन अन्योलमा, समयसीमा थप्न तीन दलको आग्रह

सक्षम स्थानीय तहबाटै सङ्घीयताको अनुभूति हुन्छ : अध्यक्ष ओली

राजेन्द्र लिङ्देनलाई चुनौती दिँदै ज्ञानेन्द्र शाहीले गरे अध्यक्षमा उम्मेदवारी घोषणा

कांग्रेस केन्द्रीय कार्यसमितिको बैठक मङ्गलबार बस्ने

एमाले राष्ट्रिय भेलाबाट २१ बुँदे विशेष प्रस्ताव र संकल्प पारित

समाजलाई सबै प्रकारका भ्रमबाट मुक्त गर्नुपर्छः अध्यक्ष ओली

निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी

जनताका समस्या समाधानमा एकता कायम गर्नुपर्ने–बादल

उपाध्यक्ष पौडेलद्वारा एमाले नेतृत्वको सरकारका उपलब्धि प्रस्तुत

रास्वपा प्रतिनिधिमण्डलद्वारा सहकार्यको प्रस्ताव

एमालेको राष्ट्रिय भेलाः जनजीवनदेखि पार्टीभित्रका समस्या केलाइँदै

एमालेको राष्ट्रिय कार्यकर्ता भेला सुरु