काठमाण्डौ: तिहारको अवसरमा पचास करोड भन्दा बढीको फलफूल आयात भएको छ ।
यो बर्ष नेपालीहरुको पर्व तिहारमा गत वर्षको तुलनामा बढी फलफूल आयात भएको फलफूल तथा थोक विक्री केन्द्रले जनाएको हो ।
छिमेकी देशहरु भारत, चीन, पाकिस्तान, दक्षिण अफ्रिका आदि मुलुकबाट आयात हुने नरिवल, स्याऊ, केरा, जुनार, सुन्तला लगायतका फलफूलहरु आयात भएको भन्सार विभागको तथ्याकंमा उल्लेख छ ।
धेरै आयात हुने फलफूमा २० करोडको स्याउ मात्रै चीनबाट आयात भएको नेपाल फलफूलथोक व्यवसाय संघले जनाएको छ ।
फलफूल तथा तरकारी व्यवसायी महासंघका अनुसार चीनबाट मुख्यत: स्याउ आयात हुन्छ । चीनबाट आयात हुने स्याउ मुलुकभरि बिक्री हुन्छ । अन्य फलफूल भने धादिङ लगायत वरिपरिका जिल्लामा बिक्री हुने महासंघका वरिष्ठ उपाध्यक्ष रुद्र पाठकले बताए ।
संघले तिहारलाई लक्ष्य गरेर करिब ३ सय गाडी फलफूल आयात गरेको उनले बताए । उनका अनुसार एउटा गाडीमा १८ देखि ३२ टन फलफूल आयात हुन्छ । पाठकका अनुसार फलफूलमध्ये स्याउ मुख्यत: तिहारमा बिक्री हुन्छ । मुलुकभित्र पर्याप्त मात्रामा उत्पान नहुँदा चीन र भारतकै भर पर्नुपरेको बताए ।
त्यस्तै भारतबाट पनि करिब २ करोड स्याउ आयात भएको, र भारत सहित अन्य मुलुकबाट ५ करोड बढिको जुनार आयात भएको संघले जनाएको छ।
फलफूलको आयात वर्षेनी छिमेकी देशहरुबाट बढ्दो क्रममा रहेको छ यद्यपि विविध कारणले गर्दा नेपालमा स्वदेशी उत्पादनले भने बजार लिन सकेको छैन ।
