काठमाण्डौं : सन्दीप लामिछाने एक वर्षको अवधिमा धेरै देशमा पुगी टी-२० क्रिकेट खेल्ने खेलाडीका रुपमा गनिएका छन् ।
सन् २०१८ को अक्टोबरदेखि २०१९ को सेप्टेम्बरसम्मको अवधिको आधारमा नामक अन्तर्राष्ट्रिय म्यागेजिन ‘द क्रिकेट मन्थ्ली’ को सर्वेक्षणमा सन्दीपले एक वर्षमा ८ देशमा टी-२० खेलेर रेकर्ड बनाएका हुन् ।
नेपाली राष्ट्रिय क्रिकेट टिमका लेग स्पिनर सन्दीपले आईपीएल, बिग बास, सीपीएल, बीपीएल र पीएसएल खेल्नुका साथै नेपालका लागि तीन ३ वटा एक दिवसीय र ११ वटा टी-२० समेत खेलेका छन् ।
लेग स्पिनर बलर भएकाले विश्वका सबैजसो ठूलो फ्रेन्चाइज लिगमा सन्दिपको माग हुने गर्छ ।
एक वर्षको अवधिमा सर्वाधिक बलिङ गर्ने खेलाडीमध्य सन्दिप दोस्रो स्थानमा पर्छन् ।
पहिलो स्थानमा अफगानिस्तानका राशिद खान छन् । राशिदले १ वर्षमा १ हजार ३ सय ५५ पटक र सन्दिपले ९ सय ८५ पटक बल बलिङ गरेका छन् ।
