शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: अफ्रिकी राष्ट्र मालीस्थित उत्तर–पूर्वी मेनाका क्षेत्रमा इस्लामिक लडाकूहरुले सेनाको पोस्टमा आक्रमण गर्दा एक जना सर्वसाधारण सहित ५४ जना सिपाहीको मृत्यु भएको छ ।
मालीको उत्तरपूर्वी सीमा निगर नजिकै मेनका क्षेत्रमा रहेको सैनिक ब्यारेकमा हमला भएको र आक्रमणमा १० जनाको जीवितै उद्धार गरेको सरकारका प्रवक्ता याया संगारले अन्तराष्ट्रिय समाचार माध्यमहरुलाई जानकारी दिएका छन् ।
पछिल्लो दशकमा मालीमा सेनामाथि आक्रमण भएको यो हालसम्मकै ठुलो आक्रमण हो । माली सेनाले यस आक्रमणलाई ‘आतंकवादी आक्रमण’ को संज्ञा दिएको छ ।
आक्रमणको जिम्मा हालसम्म कसैले पनि लिएको छैन । बुर्किना फासोको सीमा नजिकै ४० जनाको ज्यान जाने गरी दुई आक्रमण भएको एक महिनामै यस्तो हमला भएको हो । मालीको उत्तरी क्षेत्र अल क्वायदा सम्बद्ध लडाकु समूहको नियन्त्रणमा रहेको बताइन्छ ।
