काठमाण्डौ: पछिल्लो समय सर्वाधिक रुचाइएको टिकटक एप्लिकेशन बनाउने कम्पनीले नयाँ स्मार्टफोन बजारमा ल्याएको छ ।
चिनियाँ इन्टरनेट कम्पनी बाइटडान्सले यो याप सार्वजनिक गरेको थियोे ।
अहिले त्यहीँ कम्पनीले स्मार्टिसान ब्रान्ड नाम दिएर स्मार्टफोन बजारमा ल्याएको हो ।
स्मार्टफोनको नाम स्मार्टिसान जियांगुओ प्रो ३ राखिएको छ ।
यस फोनमा क्वालकोम स्न्यापड्रागन ८५५ प्लस प्रोसेसर राखिएको कम्पनीले बताएको छ ।
यो फोनमा १२ जीबीको र्याम र २५६ जीबीको इन्टरनल स्टोरेज दिइएको छ ।
यस फोनमा सेल्फी खिच्न एउटा क्यामरा छ भने फोनको पछाडी चारवटा क्यामरा रहेका छन् ।
६.३९ इन्चको फुल एचडी प्लस एमोलेड डिस्प्ले भएको उक्त फोनमा प्राइमरी लेन्स ४८ मेगापिक्सेल को क्यामेरा रहेको छ ।
सोनी आईएमएक्स ५८६ सेन्सर सहित सेकेन्डरी लेन्स १३ मेगापिक्सेल, तेस्रो लेन्स ८,र चौथो लेन्स पाँच मेगापिक्सेलको वाइड एंगलको रहेको छ ।
यस स्मार्टफोनको मूल्य लगभग ४७ हजार रुपैयाँ अर्थात् आरएमबी २८९९ रहेको छ ।
