काठमाण्डौ: भियतनामी प्रहरीले बेलायतमा ३९ जनाको शव भेटिएको घटनाका बारेमा अनुसन्धान गर्न आठ जनालाई पक्राउ गरेको छ।
बेलायती प्रहरीबाट मारिएका सबै जना भियतनामी भएको आशंका गरिरहेको बेला घटनासँग सम्बन्धित भएको आशंकामा ती आठ जनालाई भियतनामी प्रहरीले पक्राउ गरेको हो।
मृतकका ३९ शव बेलायतको राजधानी लण्डनदेखि पूर्वतिर पर्ने ग्रेज एसेक्समा औद्योगिक क्षेत्रमा फ्रिजयुक्त कन्टेनरभित्र फेला परेको थियो।
त्यहाँस्थित अधिकारीहरुले जनाए अनुसार गएको अक्टोबर २३ मा भेटिएका शवमध्ये ३१ पुरुष र आठ महिलाको रहेको पुष्ठि भएको छ ।
तर उनीहरुको अनुसन्धान भइरहेकाले घटनाको यथार्थ विवरण र मृतकहरुको सनाखत हुन नसकेको प्रहरीले जनाएको छ ।
भियतनामी एक प्रहरी अधिकारीले घटना निकै पिडादायक भएको सोमबार बताउदै भियतनामी समाचार संस्थाले पनि उनीहरु पक्राउ परेको पुष्टी सहितको समाचार सम्प्रेषण गरेको छ ।
ति शवहरू फेला परेपछि बेलायती प्रहरीले उत्तरी आयरल्याण्डका ट्रक चालक मोरिस रबिन्सनलाई पनि पक्राउ गरेको थियो ।
