शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौँ: इस्लामिक स्टेट (आईएस) का पूर्व प्रमुख अबुबक्र अल-बग्दादीको दिदीलाई टर्कीले उत्तरी सीरियाबाट गिरफ्तार गरेको अन्तराष्ट्रिय समाचार माध्यमले जनाएको छ ।
अघिल्लो साता अमेरिकी सेनाको हमलामा मृत्यु भएका बग्दादीको ६५ वर्षीया दिदी रस्मिया अवादलाई टर्कीको नियन्त्रणमा रहेको अजाज शहरबाट पक्राउ गरेको संचार माध्यमहरुले जनाएको छ ।
उत्तरी सीरियामा श्रीमान् र परिवारका अन्य सदस्यका साथ बसिरहेकी रस्मियालाई टर्कीले गिरफ्तार गरेको हो ।
रस्मियाको गिरफ्तारीबाट आईएससँग जोडिएको कैयौँ महत्वपूर्ण गोप्य जानकारी बाहिरिन सक्ने टर्कीका एक अधिकारीले जनाएका छन् ।
अधिकारीका अनुसार बग्दादीको जिन्दगी र इस्लामिक स्टेटको ढाँचाका बारेमा उनकी दिदीमार्फत धेरै जानकारी प्राप्त हुने टर्कीले जनाएको हो ।
