काठमाण्डौं: रोयल इन्फिल्डको ‘इन्टर सेप्टर ६५०’ नेपाल भित्रीएको छ ।
एमभी डुगर ग्रुपको रोयल इन्फिल्ड नेपालका लागी आधिकारिक विवेक अटोमोबाईल प्रा.लि ले इन्टर सेप्टर ६५०’ नेपाल भित्राएको हो ।
‘इन्टरसेप्टर ६५०’ नेपाल भित्राएपनि बजार नल्याईएको कम्पनिले जनाएको छ । कम्पनीले बाइक छिट्टै लञ्च गर्ने जनाएको हो ।
गत २०१८ अक्टुबरमा भारतमा लञ्च गरिएको ‘इन्टरसेप्टर ६५०’ मा ६४८ सीसीको सो बाईकले ५२ एनएम टर्क र ४७ बीपीएच पावर जेनेरेट गर्छ ।
पेट्रोलबाट चल्ने यो बाइकमा ६ स्पीड गियर बक्स, एबीएस डबल च्यानल रहेको ईन्टरसेप्टर १४६.९६ प्रतिघण्टाको गतिमा कुदने कम्पनीले दावि गरेको छ ।
भारतमा २ लाख ५० हजार भारतीय रुपैयाँ रहेको बाईकको मुल्य नेपालमा सार्वजनिक गरिएको छैन ।
फ्रन्ट ३२० एमएम डिस रिअरमा २४० एमएम डिस ब्रेक सिस्टम रहेको इन्टरसेप्टर ६५० मा १३.४ लिटरको फ्युल ट्यांक रहेको छ ।
१७४ एमएम ग्राउन्ड क्लियरेन्स भएको इन्फिल्डको यो बाईक तराई, पहाड, हिमाल जुन सुकै क्षेत्रमा पनि कुदाउन उपर्युक्त हुने कम्पनीको दाबी छ ।
