काठमाण्डौं: बंगलादेशको ढाकामा जारी इमर्जिङ टिम एसिया कपको समूह चरणको अन्तिम खेलमा नेपाल बंगलादेशसँग ८ बिकेटले पराजित भएको छ ।
पहिलो ब्याटिङ गरेको नेपालले निर्धारीत ५० ओभरको खेलमा ४४.३ ओभरमा अलआउट हुदै १३८ रन जोडेको थियो । नेपालका लागि कप्तान ज्ञानेन्द्र मल्लले २२ रन, करण केसीले १८ रन र सोमपाल कामी सर्बाधिक ६३ बलमा ४ चौका प्रहार गर्दै ३८ रन बनाए ।
नेपालले दिएको १३९ रनको लक्ष बंगलादेशले २४ ओभर २ विकेट गुमाउँदै पुरा गर्यो ।
बंगलादेशका कप्तान नजमुल हसन शान्तो २ छक्का र ६ चौका प्रहार गरि अर्धशतक बनाउदै ५९ रन नटआउट रहे त्यस्तै ओपनर मोहमद नइमले ४५ रन बनाए भने नेपालका लागि करण केसी र शुसन भारीले १/१ विकेट लिए ।
बंगलादेशसँग पराजित भए संगै नेपाल एसीसी इमर्जिङ टिम एसिया कपको समूह चरणबाट बाहिरिएको छ । शतप्रतिशत नतिजा निकाल्दै बंगलादेश अर्को चरण प्रवेश गरेको छ ।
